Waxaa la wadaa diyaargarow balaadhan oo lagu bilaabayo waxbarashada Garaadka Macmalka laga soo bilaabo dugsiyadda hoose

Addis Ababa, Cirir 19/2018 (ENA): Wasaaradda Waxbarashada ayaa shaacisay in la wado diyaargarow lagu suurtagelinayo in casharro ku saabsan garaadka macmalka iyo xirfadaha dijitaalka ah laga bilaabo dugsiyada hoose. Tani waxay qeyb ka tahay dadaallada lagu xoojinayo aqoonta tiknoolajiyadda iyo kobcinta kartida ardayda da’da yar.

Isku-duwaha barnaamijka waxbarashada casriga ah iyo hindisaha 5 Milyan oo Itoobiyaan ah oo noqda barnaamij-yaqaanno, Muluneh Atnaafuu, ayaa sheegay in horumarinta awoodda aadanaha ay lama huraan u tahay hirgelinta dib-u-habeynta waxbarashada iyo istiraatiijiyadda Itoobiya Casri ah 2030. 

Wuxuu xusay in xoojinta xirfadaha iyo aqoonta dijitaalka ay saldhig u tahay guusha qorshayaashaas.

Wasaaraddu waxay sidoo kale bilowday fulinta barnaamijyo lagu horumarinayo aqoonta dijitaalka ee macallimiinta, ardayda iyo guud ahaan bulshada. Arrintan ayaa lagu sheegay mid taageeraysa ajandayaasha qaran ee dib-u-habeynta iyo howlgalka wasaaradda.

Garaadka macmalka ayaa ka mid ah meelaha mudnaanta leh ee ku jira istiraatiijiyadda Itoobiya casri ah 2030. 

Waxa uu tilmaamay in la wado shaqo lagu xaqiijinayo faa’iidada dhaqaale ee ay waxtarka u yeelan karto dalka.

Waxaa sidoo kale la qorsheynayaa in manhajka waxbarashada laga dhex daro casharro kobcinaya fahamka garaadka macmalka iyo dijitaalka laga bilaabo fasalka koowaad ilaa fasalka 12aad. Dhinaca waxbarashada sare, waxaa socda dadaallo lagu horumarinayo xirfadaha dijitaalka ee macallimiinta iyo ardayda jaamacadaha.

Ugu dambeyn, wasaaraddu waxay taageeraysaa tababarka 5 Milyan oo Itoobiyaan ah si ay u bartaan barnaamijyada teknoolajiyadda, iyadoo ujeeddadu tahay in la helo jiil aqoon iyo karti u leh tartanka dunida casriga ah.

#WWI 
#Wakaaladda_Wararka_Itoobiya
Bogagga Baraha Bulshada ee WWI: 👉 https://linktr.ee/ENADigital