Iskaashiga IGAD iyo QM ee Nabadda geeska

Addis Ababa, Cirir 18/2018 (ENA): Urur-gobaleedka horumarinta Bariga Afrika, IGAD, iyo Qaramada Midoobay, ayaa ku adkeystay muhiimadda ay leedahay in la xoojiyo iskaashiga labada dhinac si loo gaaro nabad waarta oo Bariga Afrika ah.

Muusaa Jaamac Cali, Safiirka Gaarka ah ee IGAD u qaabilsan Koonfurta Suudaan, ayaa maanta Addis Ababa kulan kula yeeshay Guwanq Kong, Ergayga Gaarka ah ee Xoghayaha Qaramada Midoobay ee Bariga Afrika.

Labada dhinac ayaa ka wada hadlay arimo la xiriira nabadda iyo amniga mustaqbalka, gaar ahaan xaaladda hadda ka taagan Koonfurta Suudaan.

Kulanka ayaa sidoo kale lagu eegay natiijooyinkii ka soo baxay shirka wadajirka ah ee Guddiga Shanta Xubnood ee Midowga Afrika (AU C5) iyo IGAD.

Labada dhinac ayaa caddeeyey sida ay muhiimka u tahay in la sii wado qorshaha loo dejiyey nabadda, xasilloonida, iyo iskaashiga mustaqbalka ee Bariga Afrika, sida lagu sheegay xogta IGAD ee ay WWI usoo dirtay.

#WWI 
#Wakaaladda_Wararka_Itoobiya
Bogagga Baraha Bulshada ee WWI: 👉 https://linktr.ee/ENADigital