Mashruuca Waraabka Galbeedka Godey ayaa kordhinaya wax-soo-saarka Cuntada

Addis Ababa, Cirir 2/2018 (ENA): Madaxa Xafiiska Horumarinta Waraabka ee Deegaanka Soomaalida, Mudane Maxamed Faatax, ayaa sheegay in mashruuca Waraabka Galbeedka Godey uu door muhiim ah ka ciyaarayo barnaamijka wax-soo-saarka cuntada, si looga maarmo ku tiirsanaanta gacan shisheeye.

Inkastoo qaybo ka mid ah gobollada Deegaanka Soomaalida ay la kulmaan kulayl daran, haddana mashruuca Waraabka Galbeedka Godey ayaa si joogta ah uga hirgala dhul beereedyo kala duwan. 

 

Waxaana la beerayaa dalagyo ay ka mid yihiin qamadiga, galleyda, sisinta, khudaarta kala duwan, iyadoo sidoo kale la daryeelayo calafka xoolaha iyo wax-soo-saar kale oo badan. 

Waqtigan, dhul ka badan 6,550 hektar ayaa la beeray, waxaana ka faa’iidaysanaya iskaashatooyin kala duwan oo beeraley ah.

 

Mashruuca, oo hoos taga Xafiiska Horumarinta Waraabka Deegaanka Soomaalida ayaa si gaar ah xoogga u saarayaa kordhinta wax-soo-saarka calafka xoolaha, isagoo kaalin muuqata ka qaadanaya horumarinta beeraha iyo xoolaha.

Guud ahaan, Mashruuca Waraabka Galbeedka Godey wuxuu door muuqda ka ciyaaraa kobcinta wax-soo-saarka cuntada iyo calafka xoolaha ee deegaanka.

#WWI 
#Wakaaladda_Wararka_Itoobiya
Bogagga Baraha Bulshada ee WWI: 👉 https://linktr.ee/ENADigital