Hay’adda Socdaalka iyo Jinsiyaddaha ayaa si rasmi ah uga shaqo bilowday laanta cusub ee Godey

Addis Ababa, Cirir 17/2018 (ENA): Hay’adda Socdaalka iyo Jinsiyaddaha dalka ayaa ku dhawaaqday in ay laan cusub ka furtay magaalada Godey ee Dowlad Deegaanka Soomaalida, si loo ballaariyo loona fududeeyo adeegyada baasaboorka ee dalka.

Hay’addu waxay sheegtay in ay sii xoojinayso adeegyada baasaboorka, iyadoo hadda adeegyo ka bixisa 23 laamood oo ku kala yaalla deegaanada dalka, oo ay ku jirto Addis Ababa.

Furitaanka laanta Godey ayaa la filayaa in uu si weyn u yareeyo culayska safarka ee saarnaa shacabka ku dhaqan Godey iyo nawaaxigeeda, kuwaas oo hore ugu khasbanaa inay u safraan magaalooyin kale si ay u helaan adeegyada baasaboorka.

Laantan cusub waxay bixinaysaa adeegyo ay ka mid yihiin bixinta baasaboorka cusub, cusboonaysiinta baasaboorka, dib u soo saarista baasaboorka lumay, beddelka baasaboorka wax noqday, sixidda macluumaadka iyo adeegyada kale ee E-baasaboor-ka.

Macaamiisha ayaa si toos ah iskaga diiwaan gelin kara bogga rasmiga ah ee hay’adda www.immigration.gov.et si ay u doortaan laanta Godey una helaan adeegyada ay u baahan yihiin.

Tallaabadan ayaa qeyb ka ah dadaallada dowladda ee lagu casriyeynayo adeegyada bulshada iyo hubinta in adeegyada muhiimka ah si siman looga helo dhammaan deegaannada dalka.

#WWI 
#Wakaaladda_Wararka_Itoobiya
# FDRE Immigration and Citizenship Service 
Bogagga Baraha Bulshada ee WWI: 👉 https://linktr.ee/ENADigital