Waxaa xadhiga lagajaray mashruuc casri ah oo bakhaar qaboojiye ah iyo dhisme adeegyo badan bixinaya

Addis Ababa, Dharabley 19/2018 (ENA): Duqa Maamulka Magaalada Addis Ababa Adhaanaj Abebe ayaa si rasmi ah u daahfurtay una bilowday mashruuc casri ah oo ah bakhaar qaboojiye ah oo loogu talagalay khudaarta, miraha iyo wax-soo-saarka xoolaha, isla markaana leh dhisme adeegyo badan leh.

Munaasabadda furitaanka waxaa ka soo qeyb galay Duqa magaalada Adhaanaj Abebe, Wasiirka Ganacsiga iyo Isku-xirka Gobolka Dr. Kassahun Gofe, iyo mas’uuliyiin kale oo heerar kala duwan ah.

Mashruucan ayaa laga dhisay dhul ka badan 11,400 mitir oo laba jibbaaran, waxaana la sheegay inuu yahay bakhaarka qaboojiyaha iyo dhismaha adeegyada badan ee ugu weyn dalka marka loo eego baaxaddiisa.

Waxaa lagu tilmaamay in mashruucu door weyn ka qaadan doono yareynta khasaaraha iyo qashinka dhaca ka dib marka wax-soo-saarka la goosto, xasillinta suuqa, iyo hubinta in khudaarta, miraha iyo wax-soo-saarka xoolaha ee dalka lagu soo bandhigo iyagoo ilaalinaya tayadooda dabiiciga ah, si loogu gudbiyo bulshada macaamiisha ah iyo suuqyada dibadda.

Sidoo kale, Duqa magaalada Adhaanaj Abebe ayaa sheegtay in mashruucu u sahlayo bulshada macaamiisha ah inay helaan wax-soo-saar beeraha oo cusub isla markaana qiimo macquul ah leh.

Waxay intaa ku dartay in mashruucu kaalin muuqata ka qaadan doono hubinta in beeraleydu ka faa’iideystaan wax-soo-saarkooda, isla markaana la soo gaabiyo silsiladda suuq-geynta.

Duqa magaalada ayaa sidoo kale sheegtay in Maamulka Magaalada Addis Ababa uu sii xoojin doono taageerada uu bixiyo, gaar ahaan dhanka bixinta dhulka iyo taageerooyin kale, si mashruucan iyo kuwo la midka ahba u hirgalaan.

Waxay carrabka ku adkeysay in mashruucu muhiim u yahay tayada wax-soo-saarka beeraha iyo kor u qaadidda tartanka suuqa.

Ugu dambeyn, waxay u mahadcelisay hoggaamiyeyaasha, khubarada iyo hay’adaha ka qeyb qaatay hirgelinta mashruucan oo leh faa’iido qaran oo weyn, isla markaana kor u qaadaya tartanka caalamiga ah ee dalka ee dhinacan.

#WWI 
#Wakaaladda_Wararka_Itoobiya