Si aan u ilaalino midnimada iyo danta qaran ee Itoobiya, seexan mayno annagoo iska indho tirayna— Ra’iisul Wasaare Abiy Axmed (Dr.)

Addis Ababa, Dharabley 16/2018 (ENA): Ra’iisul Wasaare Dr. Abiy Axmed ayaa sheegay in ciidanka cirka uu dabaaldegayo sannad-guuradii 90-aad, isagoo carrabka ku adkeeyay in muddo 90 sano ah uu ciidanka cirku soo maray kufaa kac badan.

Shanta sano ee la soo dhaafay, ciidanka cirka wuxuu horumar ka sameeyay teknoolojiyadda, awooda bini’aadamka, iyo difaaca hawada iyo dhulka si uu u ilaaliyo dalka ugana hortaggo weerarada cirka.

Ra’iisul Wasaaraha ayaa sheegay in qorshaha dowladda uu yahay in shanta sano ee soo socota la xoojiyo awooda ciidanka cirka, iyadoo la diyaariyay qorshe cad, miisaaniyad iyo ilo si wadajir ah ula shaqeynaya hormuudka ugu waaweyn.

Waxa uu sheegay in ciidanka cirka uu diyaar u yahay inuu jiilka shanaad ee 2030 gaarsiiyo awood buuxda, isla markaana uu diiradda saarayo difaaca danaha istiraatiijiga ah ee dalka.

Ra’iisul Wasaare Dr. Abiy Axmed ayaa adkeeyay in Itoobiya ay diyaar u tahay iskaashiga iyo wada shaqeynta saaxiibadeeda, isla markaana ilaalinta sharafta, midnimada iyo danaha qaranka ay tahay masuuliyad ay iska leedahay, isagoo xusay in horumarka, teknoolojiyadda casriga ah iyo qorshayaasha mustaqbalka ay ka dhigan yihiin in Itoobiya aysan ahayn dal halkii shalay ay taagnayd taagan, balse ay tahay dal u taagan horumar, kobac iyo difaac xooggan.

#WWI 
#Wakaaladda_Wararka_Itoobiya