Isbeddelka qaran ee dalka ka socda wuxuu nidaamka dhaqaalaha ku soo kordhiyay hay’ado cusub, kuwaas oo ay ka mid tahay Hay’adda Suuqa Raasumaalka Itoobiya.

Hay’addan waxay ku hawlan tahay dhisidda nidaam suuq raasumaal oo dhiirrigeliya hal-abuurka, isla markaana noqda buundo isku xirta kuwa raasumaal u baahan iyo kuwa raasumaal bixinaya.

Itoobiya gudaheeda, nidaamka suuqa raasumaalka oo markii ugu horreysay lagu soo bandhigay dib-u-habaynta dhaqaale ee dalka u gaar ah sannadkii 2011, ayaa sanadadii la soo dhaafay maray heerar kala duwan, waxaana lagu guuleystay in la dhiso saddex hay’adood oo muhiim ah. Hay’adahaasi waa Hay’adda Suuqa Raasumaalka Itoobiya, iyo Xarunta Dhexe ee Kaydinta Raasamaalka. Marka laga soo tago dhismaha hay’adahan, 15 hay’adood oo bixiya adeegyada suuqa raasumaalka ayaa helay ruqsad, isla markaana bilaabay shaqo. Hay’adahaas raasumaalkooda la bixiyay wuxuu gaaray 1.5 bilyan oo birr. Intaa waxaa dheer, 10 shirkadood ayaa hadda ku jira habraaca isdiiwaangelinta Suuqa raasamaalka Itoobiya. Sidoo kale, is-weydaarsiga lacageed ee ku saleysan suuqa ee u dhexeeya bangiyada ayaa si tartiib ah u kobcaya. Mustaqbalka, shaqooyinka isbeddelka ee la bilaabay ayaa sii xoogeysan doona, si loo taageero hal-abuurka iyo abuurista shaqooyin, loona xaqiijiyo in waaxdu ka qaadato doorkeeda ku aaddan horumarka qaran.

● Hanaa Tekhulqu

Agaasimaha Guud ee Hay’adda Suuqa Raasumaalka Itoobiya