Biyo-xireenka Weyn ee Itoobiya waa aalad dhisaysa taariikh wadajir ah oo isku xirta shalay, maanta iyo berri

Addis Ababa, Xoorreey 16/2018 (ENA): Wasiiru Dowlaha Nabadda, Dr. Khayiradiin Tasaraa, ayaa sheegay in Biyo-xireenka Weyn ee Itoobiya uu yahay aalad weyn oo lagu dhisayo taariikh qaran oo wadajir ah, taas oo isku xirta shalay, maanta iyo berri.

Madasha doodda ee “Ku Saabsan Itoobiya” oo ay soo qabanqaabisay Wakaallada Wargeyska Itoobiya, kana socota goobta uu ku yaallo biyo-xireenka, ayaa lagu qabtay hal-ku-dhegga ah “Biyo-xireenka Itoobiya iyo Kicinta Itoobiya”.

Dr. Khayiradiin Tasaraa, ayaa sheegay in Biyo-xireenka Weyn ee Dib-u-curashada Itoobiya uu noqday mashruuc ay Itoobiyaanku si wadajir ah ugu hawlgaleen, uguna suurtagashay inay dhismahiisa dhab ka dhigaan.

Wuxuu carrabka ku adkeeyay in biyo-xireenku uu yahay tusaale taariikhi ah oo muujinaya sida midnimo iyo isku-duubni ay u horseedi karto guul weyn, isla markaana uu door togan ka qaatay xoojinta midnimada qowmiyadaha kala duwan ee dalka.

Isagoo hadalkiisa sii wata, wuxuu sheegay in biyo-xireenku yahay mashruuc weyn oo ka dhigay riyo iyo rajo wadareed mid la taaban karo, isla markaana uu yahay aalad muhiim ah oo lagu dhisayo sheeko qaran oo mideysa shalay, maanta iyo mustaqbalka.

Sidoo kale wuxuu xusay in Itoobiya ay biyo-xireenka ku dhistay awooddeeda gaarka ah, taas oo dib u kicisay awooda “waa la karaa” ee Afrikaanka, kuna dhiirrigelisay qaaradda inay gaarto guulo waaweyn.

#WWI #Wakaaladda_Wararka_Itoobiya