Itoobiya waxay ka shaqeyneysaa Mawqifkeeeda ah in dhibaatooyinka Afrika lagu xalliyo xalal Afrikaan ah.

Addis Ababa; Xoorreey 3/2018 (ENA): Itoobiya waxay ka shaqeyneysaa go'aankeeda adag ee ah inay Afrikaanku xalliyaan dhibaatooyinka Afrika, sida ay sheegtay Wasiirka Difaaca Injineer Caayisha Maxamed.

Shir-madaxeedka 17-aad ee Hoggaamiyeyaasha wasaaradaha Difaaca Afrika, kaas oo ay soo qabanqaabisay Midowga Afrika, ayaa la soo gabagabeeyay.

Shir-madaxeedkan waxaa loogu talagalay in si wadajir ah wax looga qabto caqabadaha horyaalla qaaradda, oo ay ku jiraan argagixisada, ka ganacsiga dadka iyo caqabadaha kale ee amniga.

Madaxdu waxay si faahfaahsan uga wada hadleen sida caqabadaha nabadda iyo amniga Afrika loo xallin karo iyada oo aan loo baahnaan faragelin shisheeye.

Shir-madaxeedka Hoggaamiyeyaasha Difaaca, oo maalmo badan ka doodayay arrimo kala duwan oo Afrikaan ah, ayaa looga hadlay nabadda iyo xasilloonida gobolka, ciribtirka Al-Shabaab ee Soomaaliya, xaaladda hadda ka jirta Suudaan, taageerada dhaqaale ee howlgallada nabadda iyo arrimaha la xiriira iyo dejinta jihooyin xalal ah.

Itoobiya, oo martigelineysay shirka sannado isku xiga sababtoo ah mowqifkeeda xooggan iyo ballanqaadkeeda nabadda, ayay tiri Wasiirka Difaaca Itoobiya, Injineer Caayosha Maxamed, iyo inay ka shaqeyneyso sidii Afrikaanku u xallin lahaayeen dhibaatooyinka Afrika.

Wasiirku waxa kale ay xustay in shirku uu ka hadlay baahida loo qabo ciidamo mideysan oo Afrikaan ah oo si dhakhso ah u xallin kara dhibaatooyinka ka jira Afrika, islamarkaana uu shirku yahay shir ka tarjumaya kaalinta Itoobiya ay ka qaadanayso xasilloonidda qaaradda.

Sarreeye Guuto Sebsbe Dhuba, Agaasimaha Arrimaha Caalamiga ah iyo Deriska ee Wasaaradda Difaaca, ayaa sheegay in shirka si weyn loogu aqoonsaday kaalinta Ciidamada Difaaca Itoobiya ay ka qaataan nabadda soomaaliya, isla markaana ay ku heshiiyeen inay sii wadaan wada shaqeynta si loo xalliyo dhibaatooyinka qaaradda.

Waxaa sidoo kale la xusay in Shir Madaxeedka Nabadda iyo Amniga ee Hoggaamiyeyaasha Difaaca Afrika, oo ay ka soo qayb galaan dhammaan dalalka xubnaha ka ah Afrika, la qabto sannad kasta.

Shirka 17-aad ee Wasiirrada Difaaca Afrika iyo Shirka 20-aad ee Madaxda Shaqaalaha iyo Taliyayaasha Amniga ee Midowga Afrika ayaa lagu qabtay Addis Ababa laga bilaabo Gudba 29 ilaa Xoorreey 2, 2018 T.I.

#Ethiopian_News_Agency
#ENA
#WWI