167 milyan oo doolar ayaa lagu taageeray si loo hormariyo caafimaadka hooyooyinka iyo dhallaanka

Addis Ababa, Xoorreey 2/2018 (ENA): Wasiiru Dowlaha Caafimaadka Itoobiya, Dr. Dharaje Dhuguma, ayaa sheegay in laga helay hay’adaha iskaashiga 167 milyan oo doolar oo lagu horumarinayo nidaamka caafimaadka hooyooyinka iyo dhalaanka.

Madasha wada-hadalka oo ay soo diyaariyeen hay’adaha iskaashiga oo ku jira Heshiiska kooban iyo dowladda ayaa la qabtay, taas oo lagu gorfeeyay sidii loo xoojin lahaa taageerada caafimaadka hooyooyinka iyo dhallaanka.

Dr. Dharaje Dhuguma wuxuu sheegay in ujeeddada ugu weyn ee lacagta la uruuriyey ay tahay in la kordhiyo tayada adeegyada caafimaadka hooyooyinka iyo carruurta, isla markaana la hubiyo in adeegyada muhiimka ahi ay si ku filan u gaaraan bulshada.

Waxaa la caddeeyey in 167 milyan oo doolar oo ay bixiyeen hay’adaha saaxiibka ah la isticmaali doono saddexda sano ee soo socda.

Dowladda Itoobiya waxay iyaduna ballanqaadday inay sanad walba kordhin doonto dhaqaale la mid ah kan ay bixiyeen hay’adaha, si loo xoojiyo horumarinta adeegyada caafimaadka.

Wuxuu xusay in sanad kasta loo baahan yahay ugu yaraan 140 milyan oo doolar si loo daboolo baahida dhanka horumarinta adeegyada caafimaadka ee hooyooyinka iyo dhallaanka.

Taageeradan ayaa gacan ka geysan doonta ilaalinta caafimaadka hooyooyinka iyo carruurta, iyo sidoo kale yareynta dhimashada hooyooyinka iyo carruurta marka la gaaro 2030, sida ay dowladdu u qorshaysay.

Lacagtan waxaa lagu bixin doonaa: Iibka iyo keenista qalabka caafimaadka ee muhiimka ah, Hagaajinta adeegyada xarumaha caafimaadka, Kordhinta tayada adeegga ay bixiyaan xirfadlayaasha caafimaadka

Madasha lagu soo bandhigay qorshaha waxaa lagu sheegay in 11 hay’adood oo caalami ah oo ku jira heshiiska kooban ay yihiin kuwa bixinaya taageeradan dhaqaale.

#WWI 
#Wakaaladda_Wararka_Itoobiya