Way dhamaatay doodda Masar ee gumeysiga mu dhisan ee ay Webiga Abaay – Biqila Hurisa (Dr.)

Addis Ababa, Xoorreey 2/2018 (ENA): Biqila Hurisa (Dr.), Wasiirka Xarunta Dhismaha Nidaamka Dimuqraadiyadda, ayaa sheegay in ay dhamaatay fikirka gumeysiga ah ee Masar ee ku saabsan Webiga Abaay.

Dr. Biqila ayaa sheegay in fikradaha ku saleysan gumeysiga aysan maanta wax sharci ah ama macno siyaasadeed lahayn.

Isagoo la hadlayey warbaahinta Pulse of Africa, Dr. Biqila wuxuu si adag uga jawaabay hadalkii Wasiirka Arrimaha Dibadda Masar, Maxamed Cabdiladiif, ee ku saabsanaa Biyo-xireenka Itoobiya (GERD).

Wuxuu sheegay in Masar looga baahan yahay inay ka fogaato hadallo iyo ficillo dhaawici kara nabadda iyo xasilloonida gobolka.

Sidoo kale, wuxuu caddeeyey in doodda Masar ee ku aaddan Webiga Abaay ay tahay mid ku saleysan fikir hore oo gumeysi ah oo aan ku habboonayn xaaladda maanta jirta.

Dr. Biqila wuxuu sheegay in sheegashada Wasiirka Arrimaha Dibadda Masar ee ah in Itoobiya ay qaadday tallaabo waxyeello u leh Masar ay muujinayso aragti aan waafaqsanayn xaqiiqooyinka maanta, isla markaana asalkeedu yahay fikir gumeysi duugoobay.

Wuxuu xusay in sheegashada Masar ee ah “Nile-ka aniga ayaa iska leh” ay tahay aragti waayihiisu dhammaaday oo aan la aqbali karin, isla markaana keeni karta khalkhal iyo xasillooni-darro ka baxsan xadka Masar.

Dr. Biqila wuxuu sheegay in hadalka Wasiirka Masar uu yahay mid ka hor imanaya danaha qaranka Itoobiya oo aanu lahayn wax taageero sharci ah.

Sidoo kale wuxuu tilmaamay in Masar ay taageerto kooxo mucaarad ah oo dhibaato ka wada Itoobiya, taasoo uu ku sheegay ficil mas’uuliyad-darro ah oo hurin kara colaad.

Isagoo ka hadlayay xuquuqda biyaha iyo wadajirka gobolka, wuxuu ku celiyay in Itoobiya — oo ah dalka ugu weyn ee bixiya biyaha Nile — ay leedahay xuquuq sharci ah oo ay kheyraadkeeda uga faa’iidaysato.

Dhanka kale, Dr. Biqila wuxuu sheegay in doonista Itoobiya ee ku saabsan marin-badeedku ay tahay mid sharci ah oo ku dhisan mabda’a caalamiga ah, isla markaana beesha caalamku ay si tartiib ah u aqoonsanayso.

Ugu dambayn, wuxuu tilmaamay in aragtida Masar ee ah inay keli ahaanteed adeegsan karto biyaha Niil ay tahay mid wakhtigeedii dhacay oo ka tarjumaysa fikir gumeysi ah, taas oo aan ku habboonayn jawiga iskaashi ee maanta loo baahan yahay.

#WWI #Wakaaladda_Wararka_Itoobiya