Bangiga Horumarinta Afrika oo $184 Milyan ku Taageeray Waddada Degdegga ah ee Adhaama–Awash wajiga labaad

Addis Ababa, Xoorreey 1/2018 (ENA): Dowladda Itoobiya iyo Bangiga Horumarinta Afrika (AfDB) ayaa maanta kala saxiixday Heshiis Deeq oo dhan $184 milyan si loo taageero Mashruuca Waddada Gaadiidka Itoobiya–Jabuuti–Koonfurta Suudaan – wajiga labaad.

Maalgelintan ayaa suurtogal ka dhigi doonta dhismaha waddo degdeg ah oo 67-kilomitir ah laga bilaabo Melka Jilo ilaa Awaash, taasoo ah xiriir muhiim ah oo ka maqan marinka Addis Ababa–Jabuuti. Waddadani waxay xamili doontaa in ka badan 90% ganacsiga badda ee Itoobiya, taasoo ka dhigaysa mid lama huraan u ah saadka qaranka, isku xirka gobollada, iyo isdhexgalka dhaqaale ee Geeska Afrika.

Madasha saxiixa, Mudane Axmed Shide, Wasiirka Maaliyadda, ayaa adkeeyey in mashruucu uu la jaanqaadayo Hindisaha Geeska Afrika islamarkaana uu ka tarjumayo sida Itoobiya u go’an tahay xasilloonida gobolka, iskaashiga, iyo isdhexgalka qotoda dheer.

Mashruuca ayaa ah tallaabooyin fududeynaya ganacsiga, horumarinta xirfadaha dhalinyarada iyo haweenka, iyo mashaariic bulshada diiradda saaraya si loo hubiyo faa’iido waarta oo ay ka qaybqaataan dhammaan qaybaha bulshada.

Heshiiska waxaa saxiixay Mudane Axmed Shide, Wasiirka Maaliyadda, iyo Dr. Alekis Mubiru, Agaasimaha Guud ee Afrikada Bari ee Bangiga Horumarinta Afrika.

Saxiixan kadib waxay yeesheen kulan wax ku ool leh oo u dhexeeyey Wasiir Axmed Shide iyo Dr. Mubiru, oo booqashadiisa rasmiga ah ee ugu horreysay ku jooga Itoobiya. 

Dr. Mubiru ayaa mar kale xaqiijiyey sida Bangigu uga go’an yahay xoojinta iskaashiga istiraatiijiga ah ee dhinacyada badan, oo ay ka mid yihiin: Taageerada miisaaniyadda si loo sii wado ajandaha dib-u-habeynta Itoobiya, maalgelinta mashaariicda waaweyn ee kaabayaasha dhaqaalaha, gaar ahaan Garoonka Diyaaradaha Bishoftu, iyo ka qaybqaadashada joogtada ah ee qaybaha muhiimka ah ee bulshada iyo dhaqaalaha.

#WWI  #Wakaaladda_Wararka_Itoobiya