Shaqada la iskugu xidhayo Aqoonsiga Qaraan ee casriga ah ee Fayda iyo nidaamka bangiyada ayaa si rasmi ah u billowday

Addis Ababa, Xoorreey 1/2018 (ENA): Talaabada lagu mideynayo Aqoonsiga Qaran ee Fayda iyo nidaamka bangiyada ayaa si rasmi ah loo bilaabay, taas oo loo arko marxalad muhiim u ah isbeddelka dhijitaalka ee qaybta maaliyadda.

War-saxaafadeed uu soo saaray Bangiga Qaran ee Itoobiya ayaa si buuxda loogu shaaciyay arrintan, waxa uuna u dhigan yahay sidan hoose:

Isku Xidhka Aqoonsiga Fayda iyo Bangiyada oo Si Rasmi ah u Bilaabmay

War-saxaafadeedka waxaa lagu sheegay in isku xidhka aqoonsiga dijitaalka ah ee Fayda iyo nidaamka bangiyada uu noqday tallaabo muhiim ah oo lagu dardargelinayo adeegyada maaliyadeed ee dalka. Arrintan waxay qayb ka tahay qorshaha qaranka ee casriyaynta dhaqaalaha iyo yoolka sanadka 2030.

Bangiga Qaran iyo Hay’adda Aqoonsiga Qaranka waxay sheegeen in nidaamkan cusub uu fududaynayo furitaanka xisaabaad cusub, xaqiijinta macluumaadka macaamiisha, iyo mideynta xisaabaadada jira. Waxaa sidoo kale la sheegay in nidaamka cusub uu ka hortagayo khaladaadka xogta iyo ku celcelinta xisaabaadka dadka.

War-saxaafadeedku wuxuu xusay in nidaamku leeyahay laba qaybood: mid lagu furayo xisaab cusub iyadoo la adeegsanayo Fayda, iyo mid lagu hagaajinayo xisaabaadka hore ee bangiyada. Labadani waxay ku shaqayn doonaan adeegga elektarooniga ah ee la yiraahdo VeriFayda 1 iyo VeriFayda 2.

Waxaa sidoo kale lagu sheegay in dhammaan bangiyada dalka laga doonayo inay si buuxda ula qabsadaan nidaamka cusub, si macaamiishu ugu helaan adeeg degdeg ah oo ammaan ah. EthSwitch ayaa door muhiim ah ka qaadan doonta isku xidhka adeegyada eKYC iyo Fayda.

Gebogabadii, hay’adaha dowladda waxay sheegeen in nidaamkan cusub uu kor u qaadayo hufnaanta, ilaalinta xogta, iyo helitaanka adeeg maaliyadeed oo fudud oo dhammaan muwaadiniinta gaara. Waxaana la ballanqaaday in shaqadu si joogto ah loo wadi doono ilaa dhammaan bangiyada iyo shirkadaha lacag-bixinta ay si buuxda ugu xirmaan Fayda.

#WWI 
#Wakaaladda_Wararka_Itoobiya