Saddexda Tiir ee Horumarka Waddanka

Sanadadii u dambeeyay, Dowladda Itoobiya waxay qaaday tallaabooyin ay iskugu xiriirinayso koboca dhaqaale, ballaarinta dimuqraadiyadda iyo dhisidda astaan wanaagsan oo caalami ah. Socdaalkan isbeddel wuxuu noqday bog muhiim u ah mustaqbalka horumarinta dalka.

Ta koobaad Horumarka Dhaqaale iyo Bulsho

Dowladdu waxay bilowday qorshayaal lagu hagaajinayo tayada koboca halkii lagu xisaabtami lahaa tiro kaliya. In dalxiusku uu noqdo il dhaqaale oo muuqda, laguna kordhiyo ilaha dakhliga ee ka baxsan beeraha iyo warshadaha, wuxuu muujinayaa kala-duwanaansho dhaqaale. Mashruucyada sida “ Mashruuca Gorgora” iyo kuwa kale ee bilicda magaalooyinka kordhiya waxay sare u qaadeen shaqo-abuurka, maalgelinta gaarka loo leeyahay iyo bilicda magaalooyinka.

    Horumarinta Magaalooyinka

Mashaariicda waaweyn ee magaalooyinka waxay kor u qaadayaan tayada nolosha, nadaafadda deegaanka iyo heerka magaaloobista dalka. Ma aha wax lagu cabbiri karo GDP oo keliya, balse waa in la xoojiyaa adeegyada bulshada iyo kaabeyaasha dhaqaale si loo dhiso horumar waara.

 Ta labaad Masraxa Siyaasadda

Waxaa la qaaday tallaabooyin lagu ballaarinayo goobta dimuqraadiyadda, laguna dhiirrigelinayo ka qaybgalka shacabka. Ixtiraamka xuquuqda ururidda, hadalka iyo abaabulka, iyo abuuridda jawi ay xisbiyada mucaaradku ku shaqayn karaan si xor ah ayaa muhiim u ah xasilloonida siyaasadda. Ka qaybgalka shacabka ee go’aannada dowladda wuxuu dhisaa kalsoonida shacabka, wuxuuna kobciyaa wadashaqeyn iyo midnimo qaran.

         Xasilloonida Siyaasadeed

Xasilloonida siyaasadeed waxay soo jiidataa maalgelinta shisheeye, waxayna fududaysaa hirgelinta mashaariicda horumarineed. Waxay sidoo kale kordhisaa awoodda waddanku ugu tartami karo dunida maanta oo isbeddelkeedu degdeg yahay.

Ta saddexaad Dibloomaasiyadda iyo Dhisidda Dalka

Dibloomaasiyadda Itoobiya waxay ku dadaashay inay dhisto sawir wanaagsan oo caalami ah, isla markaana si hufan u maareyso caqabadaha gudaha sida arrimaha xuquuqda aadanaha. Waxaa xoog la saaray xoojinta xiriirka dhaqaale iyo amni ee waddamada sida Jabuuti, Kenya, iyo Sacuudi Carabiya, iyo sidoo kale la shaqaynta hay’adaha caalamiga ah sida IMF iyo Bangiga Adduunka. Isla markaana waxaa la hubinayaa in xiriirka quwadaha waaweyn uu noqdo mid dheellitiran oo ku dhisan dan wadaag.

Socdaalka horumarineed ee Itoobiya wuxuu xoogga saaraya kobcinta dhaqaalaha, gaar ahaan dalxiiska iyo horumarinta magaalooyinka, halka dhinaca siyaasadda uu diiradda saarayo ballaarinta ka qaybgalka dimuqraadiyadda.

Istaraatiijiyaddan saddex-tiir ah waa hab muhiim ah oo abuuri kara fursad dhab ah oo lagu xaqiijiyo barwaaqada qaran.

Isha: Adeegga Xidhiidhka Dowladda

#WWI 
#Wakaaladda_Wararka_Itoobiya