IAEA oo ballan qaaday inay taageerto qorshaha nukliyeerka Itoobiya

Addis Ababa, Xoorreey 1/2018 (ENA): Rafael Mariyano Grosi, Agaasimaha Guud ee Hay’adda, ayaa sheegay in hay’addu diyaar u tahay inay ka caawiso Itoobiya sidii ay u fulin lahayd qorshayaasha ay ka leedahay tamarta nukliyeerka.

Isagoo ka hadlayay bilowga barnaamijka tamarta nukliyeerka ee Itoobiya, wuxuu sheegay in aasaaska komishinka nukliyeerka ee dalka uu yahay fursad weyn, islamarkaana uu soo gudbiyay hambalyo.

Wuxuu xusay in aragtida iyo hoggaaminta Ra’iisul Wasaaraha Itoobiya Abiy Axmed (Dr.) ay door wayn ka ciyaartay in dalka uu bilaabo barnaamij tamar nukliyeer ah oo nabdoon oo heer caalami ah.

Agaasimaha Guud ayaa caddeeyay in tamarta nukliyeerka ay door muhiim ah ka qaadato horumarinta warshadaha iyo dhisidda awood shaqaale oo xirfad leh, isagoo sheegay inay diyaar u yihiin wada shaqayn buuxda.

Hay’addu waxay mar kale xaqiijisay inay go’aan ku tahay inay taageerto Itoobiya si ay u gaarto ujeeddooyinka ay ka leedahay barnaamijka nukliyeerka.

Wuxuu intaas ku daray in barnaamijka tamarta nukliyeerka uu leeyahay faa’iidooyin badan oo horumarineed, islamarkaana shaqada ay Itoobiya ka waddo barnaamijkan ay muujinayso in uu sii xoogaysanayo.

Agaasimaha Guud ayaa sheegay in dadaalka Itoobiya ee ku wajahan tamarta nukliyeerka uu gacan ka geysan doono horumarkeeda mustaqbalka, isla markaana hay’addu diyaar u tahay inay taageerto dhismaha barnaamij nukliyeer oo waafaqsan heerarka caalamiga ah.

#WWI  #Wakaaladda_Wararka_Itoobiya