Waxaa loo baahan yahay in la xoojiyo hawsha ku dhisan xog sax ah si loo gaaro himilooyinka qaran iyo in la hirgeliyo dhismaha fikir-wadaagga wax ku oolka ah

Addis Ababa, Gudba 19/2018 (ENA): Xoghahaya Guddiga Ururada Hay'addaha federaalka iyo Dhaqaalaha iyo Wasiirka Warshadaha, Melaaku Alebel, ayaa sheegay in hoggaanku uu leeyahay waajibaad ah in uu adkeeyo hawsha ficil-ku-salaysan ee ku dhisan xog dhab ah si loo gaaro yoolalka horumarineed ee dalka iyo in la xaqiijiyo dhismaha fikir-wadaagga bulshada.

Madasha tababarka ee uu diyaariyey Qaybta Dhaqaalaha ee Xisbiga Barwaaqo, isla markaana xoogga saaray falanqaynta siyaasadda, warbaahinta bulshada iyo xaaladda guud, ayaa ka socota Xarunta Dhexe ee Xisbiga.

Tababarkan waxaa ka qeyb galaya madaxda Qaybta Dhaqaalaha ee heer federaal ee Xisbiga.

Isagoo furitaanka tababarka ka hadlayay, Melaaku Alebel wuxuu sheegay in ka qeyb galinta shacabka iyo xaqiijinta dhismaha fikir-wadaagga bulshada ay muhiim u tahay gaadhista yoolalka horumarineed ee dalka.

Wuxuu xusay in ficilka siyaasadeed ee ku dhisan xog sax ah uu leeyahay door muhiim ah, isla markaana uu ku boorriyay hoggaanka in ay si hufan u iftiimiyaan shaqooyinka la qabtay iyo natiijooyinka la gaaray.

Wuxuu sidoo kale sheegay in hoggaanku uu koriyo xirfadda dejinta ajendaha, oo uu ka shaqeeyo soo bandhigista ajandayaal si wanaagsan u fasira xaaladda jira, taas oo kaalin muuqata ka qaadata horumarinta howlaha qaranka.

Ugu dambayntii, Melaaku wuxuu hoosta ka xarriiqay in la iska ilaaliyo xogaha been abuurka ah ee ku faafa baraha bulshada, isagoo sheegay in hoggaanku uu leeyahay masuuliyad ah in bulshada loo soo bandhigo xog sax ah oo si fudud loo heli karo.

#WWI #Wakaaladda_Wararka_Itoobiya