Hab-dhaqan cunno oo caafimaad leh

Waxaa lagu talinayaa in qofku yeesho hab-cunto oo sax ah, ha ahaado xilliga soonka ama xilliga aan la soomanayn, maadaama uu saameyn ku leeyahay caafimaadka guud ee jirka.

Yihune Ayela, oo ah bare, cilmi baare iyo qoraa ka tirsan Jaamacadda Dhilaa qeybta Cilmiga Cuntada iyo Nafaqada, ayaa WWI u sheegay in soonku leeyahay faa’iidooyin cilmigu taageeray, isla markaana uu noqday qayb ka mid ah hab nololeed caafimaad leh oo ka hortaga cudurro badan.

Waxa uu sheegay in xilliga soonka jirku is nadiifiyo, taas oo qofka ka caawisa inuu ku noolaado si caafimaad leh.

Daraasado lagu sameeyay qeybta caafimaadka ayaa muujiyay in soonku leeyahay faa’iido weyn oo looga hortagi karo cudurrada aan faafa ahayn ama looga yareyn karo halistooda.

Gaar ahaan, soonku wuxuu ka caawiyaa dhimista miisaanka, yareynta dufanka ku jira jirka, xakamaynta dhiig karka, iyo hagaajinta heerka sonkorta dhiigga. Sidaa darteed wuxuu noqday hab nololeed muhiim ah.

Dhanka kale, sababtoo ah soonku wuu daaliya jirka oo wuxuu yareeyaa dheecaannada uu jidhku u baahan yahay, waxaa lagu talinayaa in la isticmaalo cuntooyin fudud oo si dhakhso ah u buuxiya dheecaanka jirka.

Waxa uu sheegay in marka la afurayo waxaa habboon in la isticmaalo cuntooyin ay ka mid yihiin: casiir, maraq, shurbad, cunto jilicsan, tufaax, lows, digir, khudradaha iyo miraha kala duwan.

Waxa kale oo uu ku taliyay in si fiican loo kariyo loona cuno noocyada midhaha ee borotiinka badan sida digirta iyo misirka.

Inta aan la afurin ka hor biyo cabista ayaa door weyn ka qaadata ka hortagga fuuqbaxa iyo fududeynta dheefshiidka marka la bilaabayo cuntada.

Waxaa sidoo kale uu booriyay in la isku dheellitiro cuntooyinka, si haddii nafaqo gaar ah cunto uun ku yar tahay tan kale looga helo, taas oo ka dhigaysa cunto caafimaad leh.

#WWI 
#Wakaaladda_Wararka_Itoobiya