Bandhigu wuxuu muujiyey in magaalooyinku noqdeen xarun lagu kobciyo tignoolajiyada

Addis Ababa, Gudba 8/2018 (ENA): Shirweynaha 10-aad ee Magaalooyinka Itoobiya oo lagu daray bandhig ayaa noqday meel si cad loogu arkay in magaalooyinka dalka ay noqdeen goob lagu soo saaro tignoolajiyada iyo hal-abuurka, sida ay sheegtay Wasiirka Horumarinta Magaalooyinka iyo Kaabayaasha Dhaqaalaha, Jaaltu Saani.

Shirka oo ka socda magaalada Semera Logiya ee Dowlad Deegaanka Canfarta, ayaa halkudhigg looga dhigay “Horumarinta Magaalooyinka waa Horumarka Itoobiya.”

Madaxweyne ku xigeenka xisbiga Barwaaqo, Aadan Faarax, ayaa si rasmi ah u furay bandhigga shirweynaha.

Wasiiraddu waxay sheegtay inay aragtay firfircoonida sare ee magaalooyinka ka muuqata bandhigga, taas oo muujinaysa in dhaqanka shaqada iyo hal-abuurka bulshada magaalooyinka uu si weyn isu beddelay.

Waxay tilmaantay in dawladda bixisay mudnaan gaar ah oo ku saabsan horumarinta magaalooyinka, isla markaana ay hadda muuqdaan natiijooyin la taaban karo. Magaalooyinku waxay kordhinayaan awooddooda, fursadahooda iyo adeeggooda.

Bandhiggu wuxuu noqday meel lagu xoojinayo xiriirka ka dhexeeya magaalooyinka, laguna wadaago waayo-aragnimada ugu fiican, sidoo kalena lagu soo bandhigo wax-soo-saarka iyo hal-abuurka kala duwan ee magaalooyinka.

Ugu dambayn, Wasiiraddu waxay sheegtay in bandhigga lagu arkay sida magaalooyinku u noqdeen xarun tignoolajiyada lagu kobciyo, loona soo saaro aqoon cusub oo la wada shaqaynta iyo hal-abuurka kor u qaadaysa.

#WWI 
#Wakaaladda_Wararka_Itoobiya