Bangiga Qaran ee Itoobiya ayaa si rasmi ah u shaaciyay shirkadaha loo oggolaaday inay bixiyaan adeegyada xawaaladaha lacagta

Addis Ababa, Gudba 3/2018 (ENA): War-saxaafadeed uu Bangigu usoo diray wakaaladda wararka Itoobiya (ENA) ayuu ku sheegay in shirkadda Ramada Pay (Kaah), oo xarunteedu tahay gobolka Virginia ee dalka Mareykanka, dib loogu daray liiska shirkadaha sharciyeysan ka dib markii la sameeyay qiimeyn guud oo ku saabsan adeeggeeda.

 

Go’aankan ayaa la gaaray ka dib markii shirkadda ay buuxisay dhammaan shuruudihii iyo kormeerkii lagama maarmaanka ahaa ee uu dhigayey sharciga dalka.

 

Bangiga Qaran ayaa sheegay in shirkadaha aan weli la oggolaan inay ka hawlgalaan gudaha Itoobiya lagu wargeliyay in ay qaadaan tallaabooyinka loo baahan yahay si ay u buuxiyaan shuruudaha sharciga iyo nidaamka dalka.

 

Ujeeddada Bangiga waa in shirkadaha xawilaadda lacagaha ay u shaqeeyaan si daahfuran, isla markaana ay raacaan sharciga iyo xeerarka dalka, ayuu bangigu tilmaamay.

 

Waxa uu dadka ku nool dibadda u sheegay in ay hubiyaan inay lacagaha u diraan Itoobiya si sharci ah oo cad, iyagoo adeegsanaya shirkadaha rukhsaddaha haysta.

 

Bangigu wuxuu caddeeyay in shirkadaha sharciyeysan ay hubin doonaan in lacagta si ammaan ah u gaarto qofka loogu talagalay, iyagoo raacaya nidaamyo ka hortagaya dhaqaalaha sharci darrada ah iyo lacag dhaqidda.

 

Dadka shacabka ah ayaa lagu wargeliyay inay si fudud u kala gartaan shirkadaha sharciga haysta, maadaama liiskooda si rasmi ah loogu daabacay bogga Bangiga Qaran ee Itoobiya: https://nbe.gov.et/mta/.

 

Bangiga Qaranka ayaa sheegay inuu sii wadi doono dadaalka lagu xoojinayo adeegyada xawilaadda sharciyeysan iyo dhisidda nidaam maaliyadeed oo ammaan ah, daahfuran, oo degdeg ah si uu gacan uga geysto koboca dhaqaalaha dalka.

 

#WWI 

#Wakaaladda_Wararka_Itoobiya