Ujeeddada Shirweynaha labaad ee Horumarinta Bulshada Adduunka oo Itoobiya ay ka qaybgalayso

Addis Ababa, Dirir 26/2018 (ENA): Shirweynaha labaad ee horumarinta bulshada adduunka (WSSD2) ayaa ka socda Dooxa, Qadar. Shirweynahani wuxuu daba socdaa shirweynihii 30 sano kadib ee shirkii hore ee Kobenheegan ee 1995 iyo dib-u-eegistii shanta sano ka dib ee Genefa sanadkii 2,000. Sidaas darteed, shirkan Dooxa ayaa loo bixiyey “Shirweynaha Labaad ee Horumarinta Bulshada Adduunka.”

Ujeeddada ugu weyn ee shirkan waa in dib loo eego fulinta 10-ka heshiis ee horumarinta bulshada ee lagu gaaray Kobenheegan, kuwaasoo ka mid ah: xaqiijinta sinnaanta, baabi’inta saboolnimada, abuurista fursado shaqo oo dhameystiran, yareynta farqiga bulsho, xaqiijinta sinnaanta jinsiga, ballaarinta fursadaha waxbarasho iyo caafimaad, horumarka waara, hirgelinta isbeddelka nidaamsan, ururinta khayraadka, iyo iskaashiga caalamiga ah.

 

Itoobiya, oo ah xubin ka mid ah dalalka iskaashiga leh, ayaa ka qaybgalaysa shirkan iyadoo diiradda saaraysa yareynta saboolnimada iyo horumarinta nolosha muwaadiniinteeda, si ay u gaadho horumar waara. Tani waxay si toos ah ugu xiran tahay ujeeddooyinka shirka ee muhiimka ah.

Waxaa tusaale u ah barnaamijyada bulshada sida PSNP, oo Itoobiya si guul leh u fulisay, kuwaasoo gacan ka geysanaya horumarinta bulshada, la qabsiga isbeddelka cimilada, yareynta khataraha, iyo dhisidda dhaqaale waara.

Shirkan sidoo kale Itoobiya waxay kaga qaybgalaysaa si ay u soo bandhigto guulaha ay ka gaartay yoolalka horumar waara (SDGs), gaar ahaan: baabi’inta saboolnimada (SDG 1), caafimaadka (SDG 2), waxbarashada (SDG 3), iyo sinnaanta jinsiga (SDG 4), iyadoo sidoo kale taageero u fidinaysa dalalka Afrika iyo kuwa danyarta ah (LDCs) horumar waara, yareynta deymaha, iyo la qabsiga isbeddelka cimilada.

#Itoobiya 
#Wakaaladda_Wararka_Itoobiya