Ballanqaad siyaasadeed oo xooggan ayaa looga baahan yahay dalalka IGAD si looga hortago socdaalka sharci-darrada ah ee ka jira gobolka — Xoghayaha Guud ee IGAD

Addis Ababa; Dirir 13/2018 (ENA): Dalalku waxay u baahan yihiin inay muujiyaan go’aan siyaasadeed oo adag si looga hortago socdaalka aan joogtada ahayn ee gobolka, ayuu yiri Worqineh Gebeyehu (Dr.), Xoghayaha Guud ee Urur Goboleedka IGAD. 

Magaalada Nayrobi ee dalka Kiiniya waxaa ka furmay shir heer wasiir ah oo looga hadlayo ajendayaasha shaqada, xirfadda iyo socdaalka ee Urur Goboleedka IGAD. 

"Hagaajinta qaab-dhismeedka sharciga ee socdaalka shaqada iyo ka ganacsiga dadka si loo xaqiijiyo barwaaqada gobolka IGAD" waa ajandaha shirka. 

Shirkan oo ahaa mid heer wasiir ah ayaa waxaa ka soo qeyb galay Xoghayaha Guud ee Urur Goboleedka IGAD Dr. Worqineh Gebeyehu (Dr.), Wasiirada Shaqada, Arrimaha Gudaha iyo Arrimaha Dibadda ee Wadamada IGAD, Khubaro, Hay’adda Socdaalka Adduunka ee ILO, Ururka Socdaalka Adduunka (IOM), Midowga Yurub iyo Hay’adaha dhinaca horumarinta. 

Kulanka ayaa waxaa diiradda lagu saaray xaaladda shaqada, shaqada iyo socdaalka shaqo ee dalalka IGAD iyo sidii looga hortagi lahaa tahriibka ka socda badda cas. 

Worqineh Gebeyehu (Dr.) ayaa sheegay in 62 milyan oo qof ay haysato cunto yari daran, 25 milyan oo qofna ay ka barakaceen guryahooda. 

Waxa uu sheegay in sanad walba 1.5 milyan oo qof ay u tahriibaan bariga dhexe iyo wadamada Khaliijka, sidoo kalena ay tiro intaa ka badan ku dhintaan si sharci darro ah iyagoo uga gudbaya badda cas, xitaa haddii ay maraan waddooyin sharci ah. 

Xoghayaha ayaa sheegay in shaqaalaha ay la kulmaan tacadiyo ay ka mid tahay xatooyo dhanka mushaarka ah oo lagu sameeyo wadamada ay u socdaan, sidoo kalena la diidayo xuriyadooda aasaasiga ah. 

Waxa uu xusay in iyadoo dalalka IGAD ay horumar ka sameeyeen axdigii Jabuuti oo ay heshiisyo shaqo oo laba geesood ah la saxiixdeen dalalkii loo dhoofin lahaa, isla markaana ay hirgeliyeen hannaanka safarka ka hor, haddana howlo badan ay dhiman yihiin. 

Waxa uu ku booriyay dalalka inay wax ka qabtaan daldaloollada ka jira ansixinta xeerka caalamiga ah ee shaqada iyo socdaalka. 

Waxa uu sheegay in ka hortagga tahriibka aan caadiga ahayn ay u baahan tahay rabitaan siyaasadeed iyo ka go’naan, balse aysan ahayn hadal iyo odhaah siyaasadeed. 

Waxa uu ugu baaqay dalalka inay diiradda saaraan ka hortagga tahriibka sharci darrada ah iyo inay hubiyaan in muwaadiniinta ay raacaan ikhtiyaarrada sharciga ah iyo inay wax ka qabtaan arrimaha kale ee muhiimka ah oo ay ka mid yihiin caqabadaha dhaqaale.

Xoghayuhu wuxuu soo qaaday fikradda hindise fiisaha oo muwaadiniinta ka baxsan gobolka IGAD u ogolaanaya inay dalalka xubnaha ka ah ku booqdaan dal-ku-gal keli ah, isagoo xusay in qaab-dhismeedkani uu faa’iido weyn u leeyahay dhimista socdaalka joogtada ah iyo xoojinta is-dhexgalka gobolka. 

Waxa uu sheegay in IGAD ay ka dhigtay horumarinta nolosha muwaadiniinta, shaqo abuurka iyo arrimaha shaqaalaha ajande is dhexgalka gobolka ee istiraatijiyadda 2026-2030 T.Y. 

Waxa uu tilmaamay in uu sii xoojin doono shaqada wadajirka ah ee uu bilaabay isaga iyo dhinacyada ay khuseyso si looga hortago tahriibka aan caadiga ahayn ee ka dhaca gobolka. 

Gabagabadii dooda, wadamadu waxa ay soo saareen bayaan wadajir ah, oo ay ku muujiyeen sida ay uga go’an tahay xaqiijinta socdaalka badbaadada iyo joogtada ah, samaynta nidaam adag oo lagu maamulayo shaqada, iyo in si wadajir ah looga jawaabo ka ganacsiga dadka, sida lagu sheegay xog ay ENA ka heshay Xoghaynta IGAD.

#Wakaalladda_ Wararka_Itoobiya