Itoobiya iyo Shiinaha ayaa xoojinaya iskaashigooda dhinaca Sayniska, Teknolojiyadda iyo Hal-abuurka

Addis Ababa, Kodxin/Maskaram 17/2017 (ENA): Itoobiya iyo Shiinaha ayaa xaqiijiyay inay sii xoojinayaan iskaashigooda ku saabsan sayniska, teknoolojiyadda iyo hal-abuurka.

Wasiirka Hal-abuurka iyo Teknolojiyadda ee Itoobiya, Dr. Belete Mollaa, ayaa kulan wadatashi ah la yeeshay Wasiirka Sayniska iyo Teknolojiyadda Shiinaha, Yin Hejun, kaas oo diiradda lagu saaray xoojinta iskaashiga labada dal.

 

Dr. Belete Molla ayaa sheegay in Itoobiya iyo Shiinaha ay leeyihiin xiriir saaxiibtinimo oo adag oo ku dhisan dan wadaag iyo iskaashi labada dhinac ah.

Wasiirku wuxuu tilmaamay in iskaashiga labada dal uu diiradda saarayo meelaha ay ka mid yihiin sayniska iyo teknoolojiyadda, nabadda, waxbarashada, caafimaadka, la dagaallanka isbeddelka cimilada, dhismaha kaabayaal dhaqaale, garaadka macmalka ah, beeraha, iyo cilmi-baarista.

Dr. Belete ayaa xusay in Itoobiya ay sanadadii la soo dhaafay horumar muuqda ka samaysay dhismaha dhaqaalaha dhijitaalka ah, isla markaana ay sii wadi doonto xoojinta iskaashiga ay la leedahay Shiinaha gaar ahaan dhinacyada teknoolojiyadda iyo hal-abuurka.

 

Dhankiisa, Wasiirka Sayniska iyo Teknolojiyadda ee Shiinaha, Yin Hejun, ayaa ammaanay dadaalka iyo mudnaanta ay Itoobiya siisay dhismaha dhaqaalaha dhijitaalka ah, isagoo ku tilmaamay mid dhiirrigelin mudan.

Wuxuu sheegay in Shiinaha iyo Itoobiya ay ka mid yihiin dalalka caalamka ee sameeyay horumar degdeg ah, isla markaana ay yihiin tusaale lagu daydo.

Yin Hejun ayaa carrabka ku adkeeyay in si loo sii wado horumarkan labadooda dhinac, loo baahan yahay in si ballaaran loo adeegsado teknoolojiyadda casriga ah, isagoo xaqiijiyay in Shiinaha ay sii wadi doonto xoojinta iskaashigeeda ay la leedahay Itoobiya ee ku saabsan hal-abuurka iyo horumarinta teknoolojiyadda.

#Itoobiya 
#Wakaaladda_Wararka_Itoobiya