Biyo-xidheenka Weyn ee Itoobiya waa xusuus u eg guushii Adhwa – Ra’iisul Wasaaraha Barbados Miya Mottley

Addis Ababa, Baagume 4/2017 (ENA): Ra’iisul Wasaaraha Barbados, Miya Mottley, ayaa sheegtay in Biyo-xidheenka Weyn ee Itoobiya (GERD) uu yahay guul taariikhi ah oo dhinaca injineernimada ah oo xusuusinaysa guushii Adhwa.

Mottley, oo ka qayb gashay xafladdii furitaanka biyo-xidheenka oo uu hoggaaminayey Ra’iisul Wasaare Abiy Ahmed (Dr.), ayaa tiri mashaariicdan waxay ka baxsan yihiin buuxinta baahiyaha biyaha iyo tamarta, waxayna yihiin fursad taariikhi ah oo muhiim u ah Itoobiya, dalalka deriska ah, iyo guud ahaan Afrika.

Waxay intaas ku dartay in GERD uu saameyn weyn ku leeyahay xasilloonida, nabadda iyo koboca gobolka, isla markaana uu yahay astaan guulaha taariikhiga ah ee dadka Itoobiya oo dhan.

Mottley ayaa sheegtay in mashruuca lagu dhisay adkaysi iyo go’aan adag isagoo muujinaya sida Itoobiyaanku ugu dhabar adaygeen caqabado badan si ay u dhistaan mustaqbalkooda ifaya.

Waxay intaas raacisay in GERD uu caddeyn u yahay awoodda Afrika iyo dadka asal ahaan ka soo jeeda qaaradda, isla markaana uu tusaale u yahay waxa la gaari karo marka la midoobo.

Ra’iisul Wasaaraha Barbados ayaa shacabka iyo dowladda Itoobiya ugu hambalyeysay magaca Barbadoes, bulshada Kariibiyaanka iyo guud ahaan Afrika, iyadoo tiri: “Biyo-xidheenku indhahayaga ayuu noo furay, wuxuu na baray in aan aqoonsanno kheyraadkeenna oo aan ka faa’iidaysanno.”

Ugu dambeyn, waxay ku boorisay in wadajirka iyo midnimada lagu beddelo nolosha dadka, lana abuuro mustaqbal ifaya oo soo socda, iyadoo tilmaantay in GERD uu yahay markhaati nool oo muujinaya in guulo waaweyn la gaari karo marka la wada shaqeeyo.

#AstaanMidnimo #HimiladiiJiilasha #HadiyaddiiJiilkaCusub #IftiinkaRajada #AstaantaAfrika
#Itoobiya 
#Wakaaladda_Wararka_Itoobiya