Biyo-xidheenka Weyn ee Itoobiya waa mashruuc weyn oo muujinaya awoodda Afrika ay u leedahay inay iyadu go’aansato masiirkeeda – Madaxweyne Williyam Ruuto

Addis Ababa, Baagume 4/2017 (ENA): Madaxweynaha Kenya Williyam Ruuto ayaa sheegay in Biyo-xidheenka Weyn ee Itoobiya (GERD) uu yahay mashruuc weyn oo caddeynaya in Afrika ay iyada leedahay awoodda ay ku go’aansato masiirkeeda mustaqbalka.

Biyo-xidheenka Weyn ee Itoobiya ayaa maanta si rasmi ah uu u furay Ra’iisul Wasaare Abiy Axmed (Dr.).

Munaasabadda furitaanka waxaa ka qeyb galay Ra’iisul Wasaare Abiy Axmed (Dr.), Madaxweynaha Kenya Williyam Ruuto (Dr.), Madaxweynaha Jabuuti Ismaaciil Cumar Geelle, Madaxweynaha Soomaaliya Xasan Sheekh Maxamuud (Dr.), Madaxweynaha Koonfurta Suudaan Salfa Kiir Mayardit, Ra’iisul Wasaaraha Barbados Miya Amor Mottley, Ra’iisul Wasaaraha Eswatini Russell Mmiso Dlamini, Guddoomiyaha Midowga Afrika Maxamuud Cali Yuusuf, iyo Xoghayaha Guddiga Dhaqaalaha Afrika ee Qaramada Midoobay Clafer Gatete.

Waxaa sidoo kale ka qeyb galay Afhayeenka Golaha Shacabka Taagese Jaafo, Afhayeenka Golaha Federeeshinka Agnew Teshager, iyo Ra’iisul Wasaare Ku-xigeen Tamasgan Tiruneh.

Madaxweyne Williyam Ruuto oo khudbad jeediyay ayaa sheegay in furitaanka GERD uu yahay dhacdo taariikhi ah oo muhiim ah, wuxuuna shacabka iyo dowladda Itoobiya ku bogaadiyay guushan weyn.

Wuxuu carrabka ku adkeeyay in Biyo-xidheenka GERD uusan kaliya ahayn mashruuc injineernimo, balse uu yahay calaamad muujinaysa awoodda Afrika ay u leedahay inay iyadu qabsato riyadeeda barwaaqo.

Ruuto wuxuu sheegay in maalintan taariikhiga ah ay muujinayso sida dalalka Geeska Afrika iyo kuwa webiga Niil ay ugu heellan yihiin iskaashi iyo midnimo.

Isagoo hadalkiisa sii wata, wuxuu caddeeyay in Kenya ay si dhab ah uga go’an tahay xoojinta xiriirka ay la leedahay Itoobiya, isla markaana uu qiray in Itoobiya ay door muhiim ah ku leedahay gobolka iyo guud ahaan qaaradda.

Madaxweynaha Kenya wuxuu ammaanay dadaalka Itoobiya ay ku gaarsiisay isku-filnaanshaha tamarta iyo isbeddelka weyn ee dhaqaalaha, isagoo ku tilmaamay GERD inuu ka baxsan yahay mashruuc qaran oo kaliya, balse uu yahay astaan dhabta ah ee awoodda Pan-Africanism iyo saldhig horumarineed oo Afrika leedahay.

Sidoo kale, wuxuu xusay in GERD uu caddeynayo in riyada wadajirka ah ee nabad iyo barwaaqo Afrika ay gacanta ku jirto, haddii dalalka qaaraddu si wadajir ah u shaqeeyaan.

Madaxweyne Ruuto ayaa ugu dambeyn ku booriyay in Afrikaanka ay si wadajir ah uga shaqeeyaan sidii loo horumarin lahaa nolosha dadkooda iyo mustaqbalkooda.

#Muuqaalka_Itoobiya
#Tusaalaha_Iskaashiga
#Riyada_Qarniga
#Hadiyadda_Jiilka_Cusub
#Quruxda_Jiritaankeena
#Iftiinka_Rajada
#Aasaaska_Koboca
#Dhaxalka_Jiilasha
#Iftiinka_Mustaqbalka
#Sharafka_Itoobiyaanka
#Guusha_Afrika
#Itoobiya 
#Wakaaladda_Wararka_Itoobiya