Biyo-xidheenka Weyn ee Itoobiya waa taariikh u sii jiri doonta dhammaan dadka madow – Ra’iisul Wasaare Abiy Axmed (Dr.)

Addis Ababa, Baagume 4/2017 (ENA): Ra’iisul Wasaare Abiy Axmed (Dr.) ayaa sheegay in Biyo-xidheenka Weyn ee Itoobiya (GERD) uu yahay taariikh sii jiri doona dhammaan dadka madow, kana baxsan Itoobiya oo dhan faa’iidona u leh qaarada.

Maanta ayuu ra’iisul wasaaruhu si rasmi ah ugu dhawaaqay dhammeystirka mashruuca.

Isagoo khudbad ka jeedinayay munaasabadda, ayuu shacabka Itoobiya iyo saaxiibbada Itoobiya u hambalyeeyay, isagoo yiri: “Hambalyo dhammaan shacabka Itoobiya iyo saaxiibbadeenna oo dhan.”

Wuxuu xusay in GERD uu yahay mid dadka madow oo dhan taariikh uga sii jiri doona, isla markaana uu ka dhigan yahay calaamad ka baxsan qaranka Itoobiya oo dhan.

Dr. Abiy ayaa sidoo kale sheegay in mashruuca si buuxda loo fahmi karo oo keliya marka lagu arko indhaha, maadaama uu yahay mid ay dhiseen jiilkan, kaas oo jiilasha soo socda ay markhaati ka noqon doonaan.

Sidoo kale, wuxuu carrabka ku adkeeyay in tani tahay astaanta sharafta dadka madow, isla markaana muujinaysa waxa dadka kale ee madow sameyn karaan, isagoo ku dhiirrigeliyay inay booqdaan mashruuca.

Ra’iisul Wasaaruhu wuxuu intaas ku daray in GERD uu yahay meel ay ku dhamaatay dulmiga shalay, balse uu noqonayo hoyga rajada berri.

#Iftiin_Afrika
#Riyada_Qarniga
#Sharafka_Itoobiyaanka
#Quruxda_Jiritaankeena
#Aasaaska_Sareynta
#Iftiinka_Mustaqbalka
#Itoobiya 
#Wakaaladda_Wararka_Itoobiya