Itoobiya waxay horumarinaysaa kheyraadkeeda dabiiciga ah

Addis Ababa; Baagumen 4/2017 (ENA): Itoobiya waxa ay horumarinaysaa khayraadkeeda dabiiciga ah iyada oo horumarinaysa awooddeeda, sidaas waxa yidhi Aklilu Tadesse, Wasiiru-dawlaha Wasaaradda Arrimaha Gudaha iyo Kormeerka Waaxyaha ee Xafiiska Ra’iisal Wasaaraha. 

Maanta oo ah Baagumen 4 oo ah maalinta dib u dhiska qaranka ayaa guud ahaan dalka laga xusayaa halkudhigga “Horumar waara oo dib u dhiska Qaranka ah”. 

Dhinaca maalintaas, waxa dood-cilmiyeedka lagu qabtay Tareenka ka baxa Addis Ababa ilaa Jabuuti, halku-dhigiisu ahaa “Safarka Dib-u-dhiska”. 

Intii lagu guda jiray doodda, waxaa lagu sheegay in shaqooyinka guusha leh ee lagu arkay biyo xireenka weyn ee Itoobiya, warshadaha, xeedho-wadaagga, raadka cagaaran iyo horumarinta matinada iyo mashaariicda sanadkii hore ay tusaale u yihiin dib u dhiska Itoobiya. 

Sidoo kale, wasiiru dowle Aklilu Tadesse, ayaa sheegay in natiijooyin dhiirigelin leh la diiwaan geliyay sanadihii ugu dambeeyay ee isbadalka ka dhacay Itoobiya. 

Waxa kale oo uu sheegay in dhinaca beeraha laga faa’iidaystay tignoolajiyada wax soo saarka iyo wax soo saarka kordhin kara. 

Waxa uu xusay in natiijooyin dhiirigelin leh laga diiwaan geliyey beeraha, Caanaha, Qamadiga, iyo Afookadhada, isla markaana loo dhoofiyo dalka dibadiisa. 

Wuxuu sheegay in socdaalka lagu tayeynayo Itoobiya iyadoo laga faa’ideysanayo dhammaan kheyraadka jira ee dhinac walba ah uu marayo heer aan ka soo laaban karin. 

Waxa uu sheegay in sarifka saamiyadu uu kaalin wax ku ool ah ka qaadanayo qaybta saadka si loo soo nooleeyo dhaqaalaha Itoobiya. 

Waxa kale oo uu carabka ku dhuftay doorka muuqda ee ganacsiga gaarka loo leeyahay ay ka ciyaarayaan xilligan lagu jiro soo noolaynta itoobiya.

#Itoobiya  #Wakaaladda_Wararka_Itoobiya