Tignoolajiyada yareynta sii-deynta gaaska kaarboonka waxay suurto gelinaysaa abuurista deegaan nadiif ah oo caafimaad qaba

Addis Ababa, Naaf/Nahaase 24/2017 (ENA): Wasaaradda Gaadiidka iyo Saadka ayaa sheegtay in ku rakibidda tignoolajiyada yareynta sii-deynta gaaska kaarboonka ee gaadiidka ay gacan ka geysaneyso abuurista deegaan raaxo leh oo caafimaad qaba.

Hagidda xakamaynta sii-deynta gaaska kaarboonka ee ka baxa gaadiidka, ayaa lagu wadaa in la bilaabo Kodxin 2018, ayaa la sheegay in loo diyaariyey sidii loo dhimi lahaa wasakhowga hawada, loo wanaajin lahaa isticmaalka shidaalka isla markaana loo yareyn lahaa shilalka taraafikada ee ka dhasha ciladaha farsamo ee gaadiidka.

Sharcigu waxa uu waajib ka dhigaya in gaadiidka lagu rakibo tignoolajiyo yareyn kara sii-deynta gaaska, si loo dhimo wasakhowga hawada.

Wasiiru Diwlaha Gaadiidka iyo Saadka, Bareeco Xasan, oo la hadlay wakaaladda wararka Itoobiya, ayaa sheegay in Itoobiya ay hirgelinayso tallaabooyin wax ku ool ah oo lagu yareynayo sii-deynta kaarboonka ka soo baxa gaadiidka.

Waxa uu tusaale u soo qaatay dadaalka lagu xaddidayo soo gelitaanka gaadiidka shidaalka ku shaqeeya, isla markaana lagu dhiirigelinayo isticmaalka gaadiidka korontada ku shaqeeya oo aan keenin wasakhow hawada.

Hagiddu waxa kale oo ay dhigaysaa in gaadiid aan buuxin heerarka sii-deynta gaaska lagu khasbi doono in lagu rakibo tignoolajiyo yareyn karta sii-deyntooda.

Sharcigan, oo si gaar ah loogu talagalay ka hortagga isbeddelka cimilada, ayaa Kodxin 2018 laga hirgelinayay gaadiidka dalka oo dhan.

Waxaa la sheegay in gaadiidka aan buuxin heerarka loo baahan yahay lagu qasbi doono in lagu rakibo tignoolajiyada yareyn karta sii-deynta, isla markaana diyaarinta qalabkan lagu yareeyo qiiqa iyo isticmaalka shidaalka ay si wanaagsan u socoto.

Hagiddu waxay sidoo kale tilmaantay in sii-deynta gaaska kaarboonka ee gaadiidku keeno saameyn taban ku leeyahay caafimaadka dadka iyo deegaanka, balse tignoolajiyada cusub ay gacan ka geysan doonto dhimista heerka sii-deynta iyo saamaynta kulaylka ka dhasha.

#Itoobiya 
#Wakaaladda_Wararka_Itoobiya