Itoobiya waxay ka qaybgaleysaa Shirka Sanadlaha ah ee 27-aad ee INTERPOL ee Qaybta Afrika

Addis Ababa, Naaf/Nahaase 23/2017 (ENA):  Waxaa magaalada Keeb Town ee Koonfur Afrika, intii u dhaxeysay 21–23 Naaf/Nahase 2017 ka socda Shirka Sanadlaha ah ee 27-aad ee Interpol Qaybta Afrika, waxaana ka qeybgalaya wafdi sare oo ka socda Booliska Federaalka Itoobiya oo uu hoggaaminayo Komishineerka Booliska Federaalka, Jeneraal Dhamalaash Gabramikaa'eel.

Shirkan waxaa ka soo qaybgalaya madaxda booliska dalalka Afrika oo ay ku jirto Itoobiya, hoggaamiyeyaasha Interpol, saraakiil sare iyo ururo caalami ah oo la shaqeeya booliska.

Shirka waxaa si rasmi ah u furay Brof. Kajaliya, Wasiiru-dawlaha Koonfur Afrika ee Arrimaha Booliska, kaas oo xusay in dalalka xubnaha ka ah Interpol ay door muhiim ah ku leeyihiin ilaalinta nabadda Afrika iyo adduunka, isagoo carabka ku adkeeyay in dalkiisu sii wadi doono iskaashiga ay la leeyihiin waddamada kale ee xubnaha ka ah.

Ajendayaasha shirku waxa uu ku saabsan yahay: xoojinta ammaanka xuduudaha, horumarinta is-weydaarsiga xogta degdegga ah, ka hortagga dambiyada maaliyadda lagu maalgeliyo argagixisada, kordhinta awoodda hay’adaha, iskaashiga booliska ee Afrika, iyo la-dagaallanka dambiyada xuduudaha gudba sida dambiyada cyber-ka, kiimikooyinka iyo shucaaca, iyo dambiyada kale ee caalamiga ah.

Sidoo kale waxaa lagu wadaa in shirku soo saaro go’aanno iyo qorshayaal ku saabsan tallaabooyinka la fuliyey iyo kuwa qorsheysan.

 

Intii lagu guda jiray shirka, Jeneraal Dhamalaash Gabramikaa'eel ayaa kulan dhinac ah la yeeshay Madaxweynaha Interpol, Major Jeneral Dr. Ahmed Naser Al Raisi, iyo Xoghayaha Guud, Faldesy Urquisa, iyo sidoo kale madax ka socday Afripol, Koonfur Afrika, Nayjeeriya, Kenya, Braasiil, Hay’adda Dambiyada Qaranka ee UK, iyo madax boolis kale oo caalami ah.

 

Wadahadalladaasi waxay xoogga saareen: in Itoobiya iyo Interpol ay si dhow uga wada shaqeeyaan la-dagaallanka dambiyada xuduudaha ka gudba, gaar ahaan dambiyada maaliyadeed, cyber-ka, kiimikada iyo shucaaca, in la xoojiyo iskaashiga caalamiga ah si wadajir looga hortago dambiyada.

Itoobiya waxay ku adkaysay go’aankeeda ku aaddan in lala wada dagaallamo dambiyada caalamiga ah ee xuduudaha ka gudba.

Ugu dambeyntii, Itoobiya waxay u gudbisay codsi ku saabsan inay martigeliso Shirka Sanadlaha ah ee Interpol Qaybta Afrika ee sannadka 2027, waxaana codsigaas ansixiyey madaxda Interpol kadib wadatashiyo la sameeyey, taas oo ka dhigan in shirka 2027 lagu qaban doono Itoobiya.

#Itoobiya 
#Wakaaladda_Wararka_Itoobiya