Itoobiya oo ku muujisay kartideeda tartanka xirfadaha ee Shiinaha– Muferixaat Kaamil

Addis Ababa, Naaf/Nahaase 20/2017 (ENA):  Wasiirka Shaqada iyo Xirfadaha, Muferixaat Kaamil, ayaa sheegay in tartankii xirfadaha ee ka dhacay Shiinaha uu ahaa fursad ay Itoobiya ku muujisay kartideeda iyo awooddeeda xirfadeed ee dhanka shaqada.

Waxay tilmaamtay in dhalinyarada Itoobiya ee ka qayb galay tartanka ay caddeeyeen in dalku uu ka shaqaynayo horumarinta xirfadaha, isla markaana ay caalamka tusayaan heerka xirfadeed ee ay gaareen.

Wasiiraddu waxay xustay in dhalinyarada guuleystay ay si diirran u soo dhoweeyeen, iyadoo ay ka qeyb qaateen tartanka xirfadaha ee Shiinaha.

 

Tartankan, oo ay ka qeyb galeen in ka badan 300 ka socda dalalka BRICS, waxaa Itoobiya ka soo baxay dhalinyaro ku guuleystay biladaha dahabka, maarta, iyo naxaasta. Waxaa tusaale u ah tartankii 11-aad ee ka dhacay Guangshou, Shiinaha, halkaas oo dhalinyarada Itoobiya ay kala heleen: bilad dahab ah oo uu ku guuleystay Abeneser, bilad maarta ah oo uu ku guuleystay Tekeste, iyo bilad naxaas ah oo ay heshay Nebiha.

Muferixaat Kamil waxay intaas ku dartay in Dowladda Itoobiya ay si xooggan uga shaqaynayso horumarinta xirfadaha, isla markaana guulaha dhalinyarada ee caalamiga ah ay fursad u yihiin in dalka lagu soo bandhigo xirfadaha iyo kartida dhalinyarada.

Ugu dambayntii, waxay sidoo kale xustay in dhalinyarada kale haddii ay sii wadaan horumarinta xirfadahooda iyo iskaashiga hay’adaha, ay keeni doonaan natiijooyin ka wanaagsan mustaqbalka.

#Itoobiya 
#Wakaaladda_Wararka_Itoobiya