Waa in la xoojiyaa dhismaha hay’adaha qaranka si loo ilaaliyo danaha qaranka – Xisbiga Barwaaqo

Addis Ababa; Naaf/Nahase 17/2017 (ENA):- Mudane Aadan Faarax oo ah Madaxweyne ku xigeenka Xisbiga Barwaaqo ayaa sheegay in loo baahan yahay in la xoojiyaa dhismaha hay’adaha qaranka si loo ilaaliyo danaheena qaranka.

Madasha tabobarka ee loo qabtay madaxda sare ee hay’adaha federaalka oo socday afar maalmood oo xiriir ah halku-dhiggiisuna ahaa "Himilada qaranka oo ah Astaanta qaranka, iyo ka Shaqaynta Hawlkarnimo iyo Isku-kalsooni” ayaa lasoo gunaanaday.

Dhambaal uu xisbigu u diray ENA oo la xidhiidhay tabobarkan oo kooban, waxa uu ku sheegay in la xoojiyo dhismaha hay’adaha dawladda si loo ilaaliyo danaha qaranka.

Sida uu sheegay guddoomiye ku xigeenka xisbiga Barwaaqo, ahna madaxa xoghaynta, Aaden Faarax, waxa lagama maarmaan ah in la xoojiyo dhismaha hay’adaha dawladda si loo ilaaliyo danaha qarankayaga. 

Waxa uu sidoo kale sheegay in laga shaqeeyo sidii loo xaqiijin lahaa tayada adeeg ee hay’adaha oo dhan.

 

Sidoo kale waxa uu sheegay in xiriirka hay’adaha kale uu noqdo mid miisaaman oo horumar laga gaaro si loo gaaro dano qaran.

Waxa uu sheegay in loo baahan yahay in si wada jir ah looga shaqeeyo sidii wax looga qaban lahaa maamul wanaaga iyadoo la dhisayo hay’ado loo dhan yahay, lana xoojiyo dadaallada dib u habeynta shacabka. 

Waxa kale oo uu sheegay in la sugo midnimada, xoogga iyo tayada xisbiga dhexdiisa, lagana hortago ajandaha fidnada iyo is-dilaaca ah. 

Waxa kale oo uu sheegay in Hoggaanku uu xaqiijiyo waxtarka hay'adda isagoo fulinaya ballan-qaadyadii uu shacabka u sameeyay. 

Waxa kale oo uu ku nuux-nuux saday in iyadoo la adeegsanayo hoggaanka iyo xisbiga talada haya in la baadho oo la qorsheeyo dhibaatooyinka ka jira hay’ad kasta, xilkana loo qaado si ku dayasho mudan. 

#Itoobiya 
#Wakaalladda_ Wararka_Itoobiya