Kulamada la qaban doono ayaa qaabeynaya ajendaha shirka weyn

Shirkii labaad ee Cimilada Afrika ayaa lagu qaban doonaa Addis Ababa 3-da ilaa 5-ta Naaf/Nahase 2017 iyadoo halkudhiggiisu yahay "Dedejinta Xalka Isbeddelka Cimilada iyo Maalgelinta Horumarka Afrika".

Shirkan ayaa ah dhacdo muhiim u ah Afrika, taasoo sii kordheysa u nugul isbedelka cimilada.

Kulamada ka hor shirka, kuwaas oo diyaarin doona gogol-xaarka munaasabadda weyn ee qaaradda, waxa la qaban doonaa 30ka Naaf/Nahase ilaa 2-da Naaf/Nahase 2017.

Wada-hadalladan ayaa kulmi doona dowlado, ururrada bulshada rayidka ah, dhallinyarada, haweenka, bah-wadaagta horumarka iyo jilayaasha ganacsiga gaarka loo leeyahay. Tani waxay noqon doontaa gogol wada tashi loo dhan yahay. 

Wadahadaladu waxay diiradda saari doonaan sidii la isugu dari lahaa xalalka maxalliga ah iyo xeeladaha cimilada qaaradda.

Kulamadan ayaa diiradda lagu saari doonaa xalalka bulshada ku saleysan, horumarinta ajande Afrikaan ah oo mideysan, iyo in la sameeyo ballanqaadyo xooggan oo ku aaddan maaliyadda cimilada, la qabsiga iyo horumar waara, sida uu sheegay Midowga Afrika.

Shirka ka hor waxa la qaban doonaa iyadoo lala kaashanayo Todobaadka Cimilada Afrika (CW2) laga bilaabo Naaf/Nahase 26 ilaa Kooxdin/Maskaram 1, 2017.