Si loo xaqiijiyo horumarka laba-geesoodka ah ee Itoobiya waa in la shaqeeyaa si ka go’aan iyo dadaal badan leh — Aadan Faarax

Addis Ababa, Naaf/Nahaase 12/2017 (ENA): Aadan Faarax, Ra’iisul Wasaare ku-xigeenka, ahna Madaxweyne Ku-xigeenka Xisbiga Barwaaqo iyo Madaxa Xarunta Isku-duwidda Dhismaha Nidaamka Dimuqraadiyadda, ayaa sheegay in dhammaan hoggaanka iyo xubnaha xisbiga ay tahay in ay ku dadaalaan si ka fiican sidii hore si loo xaqiijiyo horumarka laba-geesoodka ah ee Itoobiya.

Xisbiga Barwaaqo ayaa qabtay madal lagu falanqeeyay waxqabadkii miisaaniyadda sanadkii 2017 iyo qorshaha miisaaniyadda 2018.

Aadan Faarax ayaa sheegay in sanadkii 2017 uu ahaa sanad dadaal iyo guul, isla markaana hoggaanka iyo xubnaha xisbiga oo gacmaha isqabsaday ay awoodeen in guulo badan la diiwaangeliyo.

 

Waxa uu tilmaamay in sanadkaa saddex guul oo waaweyn la gaaray: In la xoojiyo awoodda gudaha ee xisbiga, In la adkeeyo iskaashiga istiraatiijiga ah iyo saaxiibtinimada, In la xaqiijiyo danaha dalka iyo shacabka.

Xisbiga ayaa sheegay in tallaabooyinka la qaaday ay shacabka ka dhigeen kuwo ka faa’iidaystay horumarka, sidoo kalena ay gacan ka geysteen xoojinta nabadda iyo deganaanshaha heer qaran.

Aadan Faarax ayaa sheegay in sanad miisaaniyaddeedka 2018 uu yahay sanad gaar ah, islamarkaana hoggaanka iyo xubnaha xisbiga laga filayo inay ka shaqeeyaan si ka go’aan iyo dadaal badan marka loo eego sanadkii hore, si loo xaqiijiyo horumarka laba-geesoodka ah ee Itoobiya.

#Itoobiya  #Wakaaladda_Wararka_Itoobiya