Shaqooyinka baaxadda leh ee uu qabtay Xisbiga Barwaaqo ayaa tusaale u noqon Afrika – Mudane Aadan Faarax

Addis Ababa; Naaf/Nahase /2017 (ENA):- Gudoomiye ku xigeenka xisbiga barwaaqada ahna madaxa xarunta isku xidhka dhismaha dimoqraadiyada lehna awoodda raysal wasaare ku xigeen mudane Aaden Faarax ayaa sheegay in Shaqooyinka baaxadda leh ee uu wado xisbiga Barwaaqo ayaa tusaale u ah Afrika.

Magaalada Akra ee dalka Gaana waxaa maanta ka furmay shirweynaha 12-aad ee xisbiyada siyaasadda Afrika oo halku-dhiggiisu yahay “Siyaasad ilaa Barwaaqo”.

Madaxweyne ku xigeenka xisbiga barwaaqada Aaden Faarax iyo madaxa xidhiidhka bulshada iyo xidhiidhka caalamiga ah ee xisbiga barwaaqo Biqila Hurissa (Dr ) ayaa madasha ka qayb galaya.

Guddoomiye ku xigeenka xisbiga Barwaaqo Aadan Faarax, ayaa sheegay in siyaasadda Afrika ay muddo dheer ahayd goob lagu hardamo awoodda, ajandayaasha muddada gaaban iyo loollanka. 

Waxa uu sheegay in Barwaaqadu ay tahay xisbi ay ku midoobeen xisbiyo kala duwan, sidaas darteedna uu yahay xisbi ka shaqeeya sidii loo gaadhi lahaa hiigsi qaran oo ku salaysan nidaam loo dhan yahay. 

Xisbigu waxa uu ka shaqaynayaa sidii uu hiigsigiisa ku gaadhi lahaa fikradda is-dhexgalka iyo in uu gaadho barwaaqo caalami ah. 

Waxa uu tilmaamay in ra’iisul wasaare Abiy Axmed (Dr.) fikradda is-dhexgalka ay ujeeddadeedu tahay in la xaqiijiyo barwaaqada iyadoo si wadajir ah looga faa’ideysanayo awoodaha aqoonsiyo kala duwan. 

Xisbiga Barwaaqo ayaa sheegay in fikradda is-dhex-galka ay ka gudubtay hadal-hayntiisa, isla markaana ay xukuumaddu ay ku guulaystay doorashada ku soo daray madaxda sare ee xisbiyada siyaasadda si loo xaqiijiyo danta qaranka iyo nidaamka dimuqraadiga ah. 

Waxa uu tilmaamay in Golaha Wadajirka ee Xisbiyada Siyaasadda Itoobiya uu u adeegayo qaab-dhismeedka joogtada ah ee wadahadalka, wadatashiga iyo dhisidda is-afgaradka oo ay ku jiraan dhammaan dhinacyada sharciga ah. 

Waxa uu tilmaamay in la qabtay howlo la taaban karo oo lagu kordhinayo ka qeyb qaadashada haweenka iyo dhalinyarada. 

Wuxuu soo bandhigay in boqolkii 50 golaha wasiirada dowladda ay yihiin haween halka boqolkii 49 darajooyinka maamul ee heer walba ay hogaamiyaan dhalinyaro taasoo tilmaan muhiim ah u ah. 

Wuxuu sheegay in dib u habeynta wadaniga ah ay tahay mid lagu xaqiijinayo horumar waara iyo dowladnimo buuxda, lagana shaqeynayo sidii loo kordhin lahaa wax soo saarka muwaadiniinta iyadoo malaayiin laga saarayo saboolnimada, hirgelinta horumarinta waddooyinka iyo barnaamijyada kala duwan ee horumarinta, si guudna loo fuliyo shaqada ilaalinta bulshada si loo xaqiijiyo faa'iidada muwaadiniinta. 

Waxa uu sheegay in in ka badan 48 bilyan oo geed la beeray si looga hortago isbeddelka cimilada iyo xaqiijinta horumarka iyadoo loo marayo barnaamijka raadka cagaaran. 

Waxa uu sheegay in shaqada uu qabtay Xisbiga Barwaaqo ay tusaale u tahay dalalka Afrika. 

Waxa uu ku booriyay xisbiyada siyaasadeed ee Afrika inay si joogto ah uga wada hadlaan arrimaha qaranka ee u dhexeeya xisbiyada talada haya iyo kuwa iska soo horjeeda, fulinta ajandayaasha dhalinyarada ee keena isbedel la taaban karo, lagana shaqeeyo isbeddelka cagaarka iyo dhijitaalka ah. 

Shirweynaha 12-aad ee Xisbiyada Siyaasadda Afrika ayaa socon doona ilaa 8-da Naaf/Nahase 2017. 

Shirkan ayaa la filayaa in looga hadlo ajandayaal ay ka mid yihiin is dhexgalka gobolka, nabadda iyo amniga, maamul loo dhan yahay, kobac dhaqaale oo waara, doorka xisbiyada siyaasadda ee horumarinta qaaradaha.

#Wakaalladda_ Wararka_Itoobiya
#Itoobiya