Dadaal wadajir ah ayaa lagama maarmaan u ah casriyeynta iyo habaynta wax-soo-saarka iyo ganacsiga kalluunka ee gobolka - IGAD

Addis Ababa; Naaf/Nahase 6/2017 (ENA): Urur Goboleedka IGAD ayaa shaaca ka qaaday in loo baahan yahay in si wada jir ah looga shaqeeyo casriyeynta iyo habaynta wax soo saarka iyo ganacsiga kaluumeysiga ee gobolka.

IGAD ayaa shir heer sare ah oo wadatashi ah oo ku saabsan horumarinta kalluumeysiga gobolka ku qabanaysa magaalada Addis Ababa. 

 

Agaasimaha Beeraha iyo Khayraadka Dabiiciga ah ee IGAD Daahir Cilmi Xuseen ayaa isna sheegay in marka la eego daraasaadka la sameeyay, dalalka Bariga Afrika ay sanad walba ka helaan kheyraadka kalluunka balse wax soo saarkoodu yar yahay.

Waxa uu sheegay in taasi ay muujineyso in awooda gobolka aan laga faa’ideysan sidii la rabay.

Waxa uu sheegay in Badda Cas, Badweynta Hindiya, Wabiga Niil, Viktoriya iyo Harooyinka waaweyn ee Turkana ay ka taageeraan malaayiinta muwaadiniinta Bariga Afrika fursado shaqo iyo sugnaan cunto.

Wuxuu carabka ku adkeeyay in loo baahan yahay in la horumariyo kheyraadka kaluumeysiga ee xeebaha Soomaaliya, Jabuuti iyo Kenya si ay u noqoto isha ugu weyn ee ganacsiga iyo sugnaanta cuntada ee gobolka.

Waxa uu sheegay in mashruuc tijaabo ah laga fulinayo laba biyood oo xudduudaha isaga gudba oo taageero dhaqaale ka helaya Midowga Yurub si loo horumariyo wax soo saarka kalluunka ee dalalka gobolka.

Sidoo kale, wuxuu xusay in dalalka Bariga Afrika looga baahan yahay inay si wadajir ah uga shaqeeyaan sidii wax-soo-saarka kalluunka lagu maamuli lahaa hab ganacsi oo casri ah oo hufan.

Wuxuu sheegay in kaluumeysiga iyo kobcinta dhaqaalaha buluuga ah ay ka mid yihiin qodobada ugu muhiimsan ee ku jira istaraatiijiyada shanta sano ee IGAD iyo qorshaha isbadalka IGAD ilaa 2050-ka.

Waxaa uu sheegay in wadamada IGAD ay ku dadaalaan sidii ay u dardar gelin lahaayeen horumarinta qeybta iyagoo diyaarinaya istaraatiijiyado u gaar ah kheyraadka biyaha qaranka (blue economy).

 

Wasiiru dowlaha Wasaaradda Beeraha, Fiqru Regasa (Dr.) ayaa sheegay in Itoobiya ay leedahay kheyraad badan oo kalluun kaas oo ka yimaada webiyada iyo harooyinka isaga gudba.

Waxa uu xusay in Barnaamijka xeedhi wadaagga ee Itoobiya uu awood u siinayo horumar la taaban karo oo lagu kordhinayo wax soo saarka kalluunka.

Waxa uu sheegay in biyo xidheenka Grand Renaissance Dam ee laga dhisay wabiga Niil uu si weyn uga qayb qaadanayo wax soo saarka kalluunka.

Waxa uu sheegay in Itoobiya ay ka go’an tahay Ajendaha Dhaqaalaha Buluugga ah ee IGAD iyo Istaraatiijiyadda Kaluumeysiga waarta.

#Wakaalladda_ Wararka_Itoobiya
#Itoobiya