Dadaallada isuduwidda ee lagu ballaarinayo helitaanka amniga bulshada way sii socon doonaan – Wasiir Ergoge Tesfaye (Dr.)

Addis Ababa; Naaf/Nahase 6/2017 (ENA): Dadaalada isuduwidda ee si buuxda loogu fidinaayo amniga bulshada kuwa u baahan taageerada gaarka ah ee dhammaan dhinacyada waa la sii xoojin doonaa, ayay tiri Wasiirka Haweenka iyo Arrimaha Bulshada, Ergoge Tesfaye (Dr.).

Waxaa magaalada Bishooftu ka socda shirweynihii afaraad ee wadajirka ah ee hay’adaha haweenka iyo arrimaha bulshada.

Shirkan ayaa waxaa ka soo qeyb galay Guddoomiyaha Guddiga Joogtada ah ee Arrimaha Caafimaadka, Horumarinta Bulshada, Dhaqanka iyo Ciyaaraha ee Golaha Shacabka, Worqsemu Mamo, Wasiirka Haweenka iyo Arrimaha Bulshada Ergoge Tesfaye (Dr.), Madaxda Xafiisyada deegaanka, Hay’ado kala duwan iyo marti sharaf lagu casuumay. 

Wasiir Ergoge Tesfaye (Dr.) ayaa sheegtay in lagu dadaalayo sidii loo xoojin lahaa nidaamka ilaalinta bulshada ee dhammaan deegaanada Itoobiya si loo ilaaliyo xuquuqda haweenka, carruurta, waayeelka iyo naafada.

Waxay sheegtay in isuduwidda daneeyayaasha ay muhiim u tahay xoojinta nidaamka kormeerka iyo taageerada.

Waxa ay sidoo kale carabka ku adkeeysay muhiimadda ay leedahay in dhammaan dhinacyada ay iska kaashadaan sidii loo heli lahaa taageero bulsho oo loo fidiyo dadka u baahan musiibooyinka bani’aadamka iyo kuwa dabiiciga ah.

Waxa ay sheegtay in la xoojiyo dadaallada isku xirka si loo ballaariyo helitaanka ilaalinta bulshada ee muwaadiniinta u baahan taageerada gaarka ah ee dhammaan dhinacyada dalka.

Shirkan oo socon doona muddo saddex maalmood ah oo ay maanta ku jirto ayaa la filayaa in lagu soo bandhigo loogana doodo warbixinnada waxqabadka haweenka heer federaal iyo heer dowlad goboleed iyo arrimaha bulshada ee sanad miisaaniyeedka 2017 iyo qorshaha sanad miisaaniyadeedka 2018-ka.

#Wakaalladda_ Wararka_Itoobiya
#Itoobiya