Shaqooyinka lagu xoojinayo waaxda caafimaadka way sii socon doonaan - Dr. Meqdhes Dhaba

Harar; Naaf/Nahase 6/2017 (ENA): Shaqada lagu xoojinayo caafimaadka waa ay sii socon doontaa, ayay tiri wasiirka caafimaadka Dr. Meqdhes Dhaba. 

Waxaa magaalada Harar ka furmay shir wada tashi ah oo ay wada yeelanayaan wasaarada caafimaadka iyo madaxda xafiiska caafimaadka ee deegaanada.

Furitaankii madasha wadatashiga ayaa waxaa ka hadlay wasiirka caafimaadka Dr. Mekdes Daba ayaa sheegtay in sanad miisaaniyeedka 2017-ka dalka laga qabtay howlo aad u wanaagsan oo dhanka caafimaadka ah.

 

Waxa ay sheegtay in laga soo shaqeeyay sidii loo xoojin lahaa gaar ahaan dhinacyada xoojinta adeegyada caafimaadka, horumarinta caafimaadka, tignoolajiyada caafimaadka iyo hawlaha kale. 

Sidoo kale waxa ay carabka ku adkaysay in loo baahan yahay doonayo in laga wada shaqeeyo sidii loo sii wadi lahaa natiijadii dhiirigalinta lahayd ee la gaaray sanad miisaaniyadeedkan dhamaaday iyo sidii loo xalin lahaa khaladaadka la arkay.

Waxa ay sheegtay in madashan ay gacan ka geysan doonto sidii kor loogu qaadi lahaa wax-ku-oolnimada dhanka caafimaadka iyo in la abuuro isfaham guud oo wax looga qabanayo khaladaadka jira.

 

Madaxa xafiiska caafimaadka ee deegaanka Harari Dr. Cabdi Amiin ayaa sheegay in hawlaha ka socda deegaanka ee lagu horumarinayo adeegyada caafimaadka ay muujinayaan isbedel.

Waxa uu sheegay in adeegyada caafimaad ee hufan ee xarumaha caafimaadka ay sii xoojin doonaan.

Barnaamijkan ayaa waxaa ka soo qayb galay gudoomiye ku xigeenka deegaanka Harari Roza Cumer, wasiiru dawlayaal, madaxda xafiisyada caafimaadka ee deegaanada iyo ismaamul magaalooyinka, madaxda laamaha caafimaadka iyo masuuliyiin kale.

#Wakaalladda_ Wararka_Itoobiya
#Itoobiya