Dhismaha Mashruuca Wadada laamida ee isku xidhaysa Shiniile iyo Diri Dhaba ayaa maraysa 94%.

Addis Ababa, Naaf/Nahaase 5/2017 (ENA): Xildhibaan Ayaan Cali oo ah xubin ka tirsan Guddiga Joogtada ah ee Dabagalka iyo Hanti-dhawrka ee Golaha Wakiillada Shacabka Heer Qaran iyo Guddoomiyaha degmada Shiniile, Mudane Jibriil Cumar ayaa kormeeray geeddi-socodka dhismaha wadada laamida ah ee isku xidhaysa magaalada Shiniile iyo Diridhabe 

Intii lagu guda jiray kormeerka, Xildhibaanada iyo Masuuliyiinta Maamulka degmada Shiniile waxay indha indheeyeen habsami u socodka mashruuca, iyagoo warbixin ka dhagaystay injineerada gacanta ku haya dhismaha wadadaasi oo isku xidhaysa Shiniile iyo ismaamulka magaalada Diri Dhaba

 

Masuuliyiinta mashruuca oo faahfaahin ka bixiyay heerka uu marayo dhismaha wadada ayaa sheegay in 94% la dhameeyay. 

 

Dhankeeda Xildhibaan Ayaan Cali ayaa talobixino usoo jeedisay ku saabsan sixitaanka goobaha u baahan hagaajinta, gaar ahaan meelaha la xidhiidha biyo-mareennada si looga hortago dhibaatooyinka daadadka iyo xiliyada roobabka, iyagoona hoosta ka xariiqay in talabixinadaasi gashi ahaan u qaadanayaan islamarkaana jawaab dagdag ah ka bixin doonaan.

#Itoobiya  #Wakaaladda_Wararka_Itoobiya