Turkmenistan waxay taageeraysaa dadaalka Itoobiya ee helidda marin badeed

Addis Ababa, Naaf/Nahaase 5/2017 (ENA): Turkmenistan ayaa muujisay inay taageerayso dadaalka ay Itoobiya ku doonayso inay hesho marin baddeed, sida lagu sheegay wada hadal dhexmaray Safiirka Itoobiya ee Turkmenistan. Dr. Jamaal Bakar, iyo Wasiirka Arrimaha Dibadda ee Turkmenistan, Rashid Meredof, intii lagu guda jiray shirkii 3-aad ee Dalalka aan lahayn marin Baddeedka oo ka dhacay Turkmenistan.

Danjire Dr. Jamaal Bekar ayaa si faahfaahsan uga hadlay baahida Itoobiya ee marin badeed, isagoo tilmaamay in Itoobiya oo ka badan 120 milyan oo qof ay tahay dal aan lahayn badd, ayna tahay "xabsi juqraafiyeed" taasoo ka dhigaysa helitaanka marin badeed mid lama huraan ah.

Waxaa la xusay in Itoobiya ay tahay dalka ugu dadka badan adduunka ee aan lahayn badda, isla markaana ay dib u raadineyso lahaanshaha marin badeed taariikhi ah iyo mid dabiici ah oo ay ku waayeen duruufo gudaha iyo dibadda ah oo is biirsaday.

 

Dowladda iyo shacabka Itoobiya waxay si nabad iyo diblomaasi ah uga shaqeynayaan sidii loo xaqiijin lahaa baahidan, iyagoo raacaya shuruucda caalamiga ah ee la xiriira arrintan.

Wasiirka Arrimaha Dibadda ee Turkmenistan, Rashiid Meredof, ayaa xaqiijiyey in dalkiisu uu garab taagan yahay Itoobiya dadaalkeeda ku aaddan helidda marin badeed, isagoo caddeeyey in Turkmenistan ay aaminsan tahay muhiimada iskaashiga gobolka iyo xaqa aasaasiga ah ee ay leeyihiin dalalka aan lahayn badda inay helaan deked.

Ugu dambayntii, Wasiirku wuxuu sheegay in labada dal ay la wadaagaan dhibaatooyin isku mid ah, isla markaana ay jirto baahi loo qabo in la xoojiyo iskaashiga iyo taageerada caalamiga ah ee ku aaddan arrimaha dekedaha dalalka aan lahayn badda.

#Itoobiya  #Wakaaladda_Wararka_Itoobiya