Dadaalka adeegga bulshada waa in lagu xoojiyay iskaashi – Duqa Addis Ababa

Addis Ababa, Naaf/Nahaase 1/2017 (ENA): Duqa maamulka magaalada Addis Ababa, Adhaanej Abebe, ayaa sheegtay in dadaalka loogu adeegayo bulshada uu noqonayo mid wax ku ool ah haddii lagu xoojiyo iskaashiga.

 

Aasaasaha Ururka Henok Argaw ayaa ku deeqay qalab iyo agab caafimaad oo ka badan 50 milyan oo birr, waxaana guddoontay duqa magaalada iyadoo u mahadcelisay hay’ada bixisey deeqdan.

 

Adhaanej Abebe, ayaa tilmaantay in qalabkaasi door muhiim ah ka ciyaari doono horumarinta adeegyada caafimaadka, iyadoo xustay in dowladdu ku jirto dadaal dhismaha isbitaallo cusub, balse loo baahan yahay wadajir lagu xalliyo dhibaatooyinka bulshada.

 

Madaxa Xafiiska Caafimaadka Addis Ababa, Dr. Yohannes Jaala, ayaa sheegay in deeqdu ka kooban tahay 133 nooc oo qalab caafimaad casri ah oo kordhin doona awoodda adeeg bixinta.

 

Aasaasaha Ururka Henok Argaw, Dr. Neway Argaw, ayaa sheegay in ururkoodu uu ku yaallo Maraykanka isla markaana uu iskaashi la leeyahay hay’ado kala duwan, wuxuuna xaqiijiyay in qalabka maanta la guddoonsiiyay uu yahay mid tayo sare leh, ayna diyaar u yihiin wada shaqayn mustaqbalka.

#Itoobiya  #Wakaaladda_Wararka_Itoobiya