Heshiis ku saabsan Maamulka Maaliyadda ee Mashruuca Garoon Diyaaradeed Cusub oo laga dhisayo agagaarka Bishoftu ayaa la saxiixay

Addis Ababa, Naaf/Nahaase 5/2017 (ENA): Shirkadda Diyaaradaha Itoobiya iyo Bangiga Horumarinta Afrika ayaa kala saxiixday heshiis ku saabsan maamulka maaliyadeed ee mashruuca dhismaha garoon diyaaradeed cusub oo laga dhisayo Bishoftu.

Munaasabadda saxiixa waxaa ka qaybgalay Wasiirka Maaliyadda Axmed Shide, Guddoomiyaha Guddiga Shurkadda Jen. Yilma Merdhasa, iyo Madaxweynaha Bangiga Horumarinta Afrika Akinwumi Adesina.

Sida ku cad heshiiska, Bangiga Horumarinta Afrika ayaa wakiil ahaan u fulin doona howlaha maaliyadeed ee mashruuca garoonka cusub.

 

Garoonka cusub ayaa lagu wadaa inuu yeesho afar garoon oo diyaaraduhu ka haadaan, adeegyo casri ah oo rakaab iyo xamuul ah, iyo qalab kale oo waafaqsan heerarka caalamiga ah.

Mashruuca oo loo qaybiyey shan marxaladood ayaa marka uu dhamaado awoodi doona inuu sannadkii qaabilo in ka badan 100 milyan oo rakaab ah.

Waxaa la filayaa in mashruucu uu door weyn ka qaato kobcinta qaybta duulista, horumarinta kaabayaasha dhaqaalaha qaranka, abuurista fursado shaqo, iyo kor u qaadidda ganacsiga joogtada ah iyo dalxiiska.

 

Mashruuca oo ku fadhiya dhul cabbirkiisu yahay 3,975 hektar, isla markaana lagu qiimeeyay $10 bilyan, ayaa marka la dhammeeyo afar laabi doona awoodda duulista ee hadda jirta ee Itoobiya.

Akinwumi Adesina ayaa munaasabadda ka sheegay in uu mahadnaqayo Ra’iisul Wasaare Abiy Axmed (Dr.) iyo dowladdiisa taageerada iyo wada shaqaynta ay la yeesheen bangiga.

Wufuud ka kala socday dalal kala duwan oo Afrika ah ayaa dhankooda ku ammaanay shirkadda diyaaradaha inay ka dhigeyso dalka mid ka tartami kara heer caalami ah, isla markaana noqda astaanta Pan-Afrikaan.

#Itoobiya 
#Wakaaladda_Wararka_Itoobiya