Hawlaha Dib-u-habaynta Qaab-dhismeedka Komishinka Jibriyadda oo si xoogan u sii socda

Addis Ababa, Naaf/Nahaase 5/2017 (ENA): Komishineerka Komishinka Jibriyadda Itoobiya, Dhabala Qaabataa, ayaa sheegay in hawsha dib-u-habaynta komishinka si uu u yeesho qaab-dhismeed adag ay si xooggan u socoto.

Komishinka Jibriyadda Itoobiya ayaa haatan ku guda jira soo-dhawaynta shaqaalaha cusub ee tababarka ku qaadanaya hoolka Millennium.

Munaasabadda waxaa ka soo qayb-galay Komishineerka Komishinka Jibriyadda Itoobiya, Dhabala Qaabataa, Kusimaha Madaxweynaha Jaamacadda Addis Ababa, Dr. Samuel Kifle, iyo marti-sharaf la casuumay.

Dhabala Qaabataa ayaa khudbaddiisa ku sheegay in komishinku uu fulinayo hawlo badan oo lagu dhisayo hay’ad adag, kuwaas oo ay ka mid yihiin: kobcinta iyo helidda shaqaale xirfad leh oo leh anshax iyo daacadnimo, diyaarinta nidaamyo iyo xeerar waafaqsan waqtigan casriga ah, iyo habaynta hay’adda iyadoo la adeegsanayo tignoolajiyada.

 

Wuxuu xusay in komishinku shaqaalaha si fiican u abaabulayo, iyadoo laga soo xulay in ka badan 3,000 oo shaqaale cusub guud ahaan dalka.

Shaqaalaha tababarka qaadanaya ayuu ku boorriyay in ay si fiican uga faa’iidaystaan tababarka si ay ugu diyaar-garoobaan adeegga ay u qaban doonaan dalka.

Ugu dambayntii, wuxuu mar kale xaqiijiyay in hawsha dib-u-habaynta qaab-dhismeedka komishinka ay si xooggan u socon doonto.

#Itoobiya 
#Wakaaladda_Wararka_Itoobiya