Sugidda nabaddu waa inay noqotaa mas'uuliyadda qof walba si loogu guuleysto himilada dib-usoo nooleynta Itoobiya - Wasiirka Nabadda Maxamed Idris

Addis Ababa; Naaf/Nahase 5/2017 (ENA): Sugidda nabaddu waa inay noqotaa mas'uuliyadda qof walba si loo gaadho himilada dib u soo nooleynta Itoobiya, ayuu yiri wasiirka nabadda Maxamed Idris.

Madasha wadatashiga oo ay soo qaban qaabisay Wasaaradda Nabadda, kaasi oo ay ka qeyb galeen Madaxda Nabadda iyo Amniga ee dhammaan deegaannada iyo labada maamul magaalo ayaa la soo gabagabeeyay.

Wadatashigan ayaa halku dhigiisu ahaa “Anaga oo Sugayna Nabadda waxaa rumaynaynaa dib u soo nooleynta Itoobiya".

Wasiirka Nabadda Maxamed Idris oo gunaanadkii doodda ka hadlay ayaa yidhi; Nabadda iyo horumarka waa in si wadajir ah loo hirgeliyaa.

Waxa uu tilmaamay in qof walba uu kaalintiisa ka qaato dhismaha nabadda qaranka; wuxuuna carrabka ku adkeeyay in isku-dubbaridka dhammaan qaybaha ay muhiim tahay si loo xaqiijiyo horumarka dalka.

Waxa uu tilmaamay in lagu dadaalayo sidii looga faa’ideysan lahaa doorka muuqda ee ay hay’adaha diintu ku leeyihiin nabadeynta, isla markaana lagu dadaalayo sidii looga faa’ideysan lahaa nidaamka soo jireenka ah ee xallinta mashaakilka dalka si loo dhiso qaran.

Ka qayb galayaasha ka hadlay dooda ayaa sidoo kale sheegay in ay xoojin doonaan ka qeyb qaadashada shacabka si loo helo nabad waarta.

 

Madaxa Xafiiska Maleeshiyada deegaanka Benishangul Gumuz Ismaciil C/raxmaan ayaa tilmaamay in lagu dadaali doono sidii loo sugi lahaa nabada deegaanka iyo sidii loo horumarin lahaa arrimaha dhaqaalaha iyo bulshada.

 

Madaxa Maamulka deegaanka Gambella Ujulu Umed ayaa tilmaamay in dooda ay ka heleen fikrado wax ku ool ah; Waxa uu sidoo kale sheegay in ay ka shaqeyn doonaan sidii loo sii xaqiijin lahaa lahaanshiyaha shacabka ee nabadda.

 

Axmed Waare oo ah madaxa nabadgalyada deegaanka canfarta ayaa sheegay in ay si hufan uga shaqayn doonaan sidii ay si buuxda uga hirgalin lahaayeen qorshaha nabada ee deegaankiisa.

#Wakaalladda_ Wararka_Itoobiya #Itoobiya