Sanadihii isbedelka ka dib, haweenku waxay si hufan u hogaaminayaan hay’adihii loo dhiibay, waxayna qabteen shaqo ku dayasho mudan – Mudane Aaden Faarax

Addis Ababa; Naaf/Nahase 5/2017 (ENA): Mudadii ay jirtay isbadalka haweenka ayaa si hufan u hogaaminaya hay’adihii loo dhiibay, waxayna qabteen shaqo ku dayasho mudan, ayuu yiri Mudane Aaden Faarax oo ah Ra’iisul Wasaare ku xigeenka ahna madaxa xarunta isku xirka dhismaha dimoqraadiyada iyo gudoomiye ku xigeenka xisbiga barwaaqada.

Madasha Hogaamiyayaasha Haweenka oo m Isbedelka oo ay soo qaban qaabisay Wasaaradda Haweenka iyo Arrimaha Bulshada oo halku-dhigeedu yahay “Haweenka Itoobiya oo ka qayb qaadanaya barwaaqada itoobiya” ayaa lagu qabtay Matxafka sayniska.

Ra’iisul wasaare ku xigeenka ahna madaxa xarunta isku xirka dhismaha dimoqraadiyada iyo madaxweyne ku xigeenka xisbiga barwaaqada, Aadrn Faarax, ayaa sheegay in aysan suurtagal ahayn in la xaqiijiyo barwaaqo dhameystiran haddii aan haweenka laga qeybgalin go'aamada dhaqaale, bulsho iyo siyaasadeed.

Waxa uu sheegay in arrimaha haweenka lagu daro qorshayaasha horumarineed ee lagu xaqiijinayo in haweenku si buuxda uga qayb-qaataan go'aan qaadashada, loona xoojiyo awooddooda; waxa uu sheegay in la diiwaan geliyay natiijooyin xaqiijin kara sinnaanta jinsiga.

Waxa uu sheegay in dhanka dhaqaalaha ay ka faa’iideysteen in ay bedelaan aragtiyihii guracan ee ka jiray haweenka sanadihii isbadalka ka hor jiray, isla markaana ay abuureen fursado shaqo.

Waxa uu sheegay inay lagu guuleystay in la kordhiyo doorka haweenka ee hoggaaminta iyo go’aan qaadashada iyadoo la xaqiijiyay sinnaanta jinsiga; wuxuuna caddeeyey inay haweenka itoobiya ay muujiyeen hoggaamin ku dayasho mudan hay’adihii loo dhiibay sannadihii isbeddelka; Itoobiyana ay ka faa’iiday.

Waxa uu sheegay in shaqooyinka uu hoggaanka u yahay Ra’iisul Wasaare Abiy Axmed (Dr.) ee horumarinta doorka haweenka ee hoggaaminta ay tusaale u tahay dalalka kale.

Isagoo sheegay in xuquuqda haweenka iyo ka-qaybgalkooda la ilaalin karo marka ay jirto go'aan siyaasadeed oo xooggan; Waxa uu ugu baaqay madaxda sare ee haweenka in ay doorkooda ka qaataan sidii ay u soo saari lahaayeen kuwa badala.

 

Wasiirka haweenka iyo arrimaha bulshada Ergoge Tesfaye (Dr.) ayaa dhankeeda sheegtay in haweenku ay si mug leh uga qaybqaateen hawlihii kala duwanaa ee laga qabtay dalka Itoobiya sanadihii isbadalka.

Wasiirka ayaa kale oo sheegtay in waxqabadyada kor loogu qaadayo tayada hogaanka haweenka ee heerarkooda kala duwan iyo kor u qaadista xirfadahooda hoggaamineed; dhisidda saldhig hoggaan ay aas-aas u tahay natiijjadan.

Ugu danbayntii, waxay sheegtay in taageero la siinayo ururada haweenka si kor loogu qaado xoojinta dhaqaalaha haweenka; Waxa ay sheegtay in taageero dhaqaale iyo mid farsamo lagu taageeray haweenka si ay uga qeyb qaataan dhinacyada beeraha iyo ganacsiga si ay u sugaan ammaanka cuntada heer qoys.

#Wakaalladda_ Wararka_Itoobiya #Itoobiya