Si looga midho-dhaliyo dadaallada isbeddelka waxaa lagama maarmaan ah in la sii xoojjiyo ka qayb galka Haweenka

Addis Ababa; Naaf/Nahase 4/2017 (ENA):- Wasiirka Haweenka iyo Arrimaha Bulshada Ergoge Tesfaye (Dr.), ayaa sheegtay in ka qaybgalka haweenka loo baahan yahay in la sii xoojjiyo si dadaallada dib-u-habaynta looga midha dhaliyo.

Waxaa magaalada Addis Ababa lagu qabtay shir ay isugu imaanayaan madaxda sare ee haweenka ee Itoobiya.

 

Madasha ayaa waxaa ka soo qeyb galay madax sare oo haween ah oo xilal kala duwan soo qabtay, sida Ra’iisul Wasaare ku xigeenka, Madaxa Xarunta isku xirka Dimuqraadiyada iyo Barwaaqo Madaxweyne ku xigeenka Aaden Faarax, safiiro, wakiilo ka socday hay'adaha gaarka loo leeyahay, iyo wakiilo ka socday ururada haweenka.

Dhambaal ay madasha ka jeedisay wasiirka haweenka iyo arrimaha bulshada Ergoge Tesfaye (Dr.) ayay ku sheegtay in haweenku si mug leh uga qaybqaateen hawlihii laga qabtay dalka Itoobiya sanadihii u dambeeyay ee isbadalka.

Waxa ay sidoo kale xusay in dadaalka wax ku oolka ah uu Ra’iisul Wasaare Abiy Ahmed (Dr.) Ka muujiyay in haweenka laga qeyb geliyo siyaasadda ay abuurtay fursado ay haween badan ku qaban karaan xilal sare oo ay muujiyaan kartidooda.

 

Waxa ay sheegtay in ay lagu dadaalayo sidii loo sii kordhin lahaa waxtarka haweenka si loo xaqiijiyo barwaaqada guud ee Itoobiya.

Wasiirka ayaa sidoo kale xaqiijisay in ka qaybqaadashada haweenka ay sii xoojin doonto si dadaalada dib u habaynta ee Itoobiya laga bilaabay ay u noqdaan kuwo mira dhal ah.

Wasaaradda Haweenka iyo Arrimaha Bulshada ayaa soo qaban qaabisay dood-cilmiyeed ku saabsan mowduucyo kala duwan oo lagu qabanayo Madasha Hoggaanka Sare ee Haweenka, halku-dhiggiisuna yahay “Hoggaamiyeyaasha Haweenka oo ka qeyb qaadanaya Barwaaqada Itoobiya”.

#Wakaalladda_ Wararka_Itoobiya
#Itoobiya