Shaqooyinka laga qabtay magaalada waa kuwa astaan ah oo magaalada ka dhigaya magaalo lagu faano - Maayar Adhaanej Abebe

Addis Ababa; Naaf/Nahase 4/2017 (ENA): Duqa magaalada Adhaanej Abebe ayaa shaaca ka qaaday in shaqo astaan u ah magaalada oo lagu faani karo in laga fuliyey magaalada Addis Ababa.

Maamulka magaalada Addis Ababa ayaa u qabtay barnaamij aqoonsi iyo bogaadinta dadkii ka qayb qaatay dib u dhiska marinka Piassa, 4 Kiilo ilaa Entoto, horumarinta marinka goobta dhirta ee Gulele, iyo horumarinta jiinka wabiga ee Entoto ilaa Friendship Square iyo Peacock Park.

Munaasibadan ayaa waxa ka soo qayb galay maayarka maamulka magaalada Addis Ababa Adhaanej Abebe, gudoomiyaha golaha Addis Ababa Buzena Alkedir, iyo masuuliyiin sare oo ka tirsan maamulka magaalada Addis Ababa.

 

Waxa ay maayarku barnaamijkan ku sheegtay in horumarinta marinadan ay tahay shaqo astaan u ah magaalada, islamarkaana in horumarkaasi uu u horseeday hprumar dhinacyo badan.

Waxa kale ay sheegtay in gacmihii ka qayb qaatay guusha dhismahaasi ay yihiin kuwa amaan mudan, isla markaana ay ka qeyb qaateen dhisidda dalka iyo sharafta qaranka.

Waxayna sheegtay in horumarkan lagu gaadhay mudo kooban iyo si cajiib ah iyadoo ay gacan ka qaateen muwaadiniinta Itoobiya sida naqshadeeyayaasha, madaxda iyo isuduwayaasha.

 

Dhankiisa, Madaxa Xafiiska Adeegga Dadweynaha iyo Horumarinta Shaqaalaha ee Addis Ababa Jemalu Jember (Dr.) oo ku xigeenka duqa magaalada Addis Ababa, ayaa sheegay in horumarka marinadani uu wax badan ka beddelayo bilicda magaalada iyo qaab nololeedka bulshada.

Wuxuu sheegay in aagga Arat Kilo ilaa Shiromeda ay leedahay hay'ado badan, laakiinse ay jirin wax horumar ah oo tan ku habboon.

Waxa uu tilmaamay in dhismaha laga sameeyay deegaankan uu yahay mid ku haboon goobtaasi, islamarkaana in horumarinta marinka loo sameeyay si loo abuuro fursado shaqo oo waara.

#Wakaalladda_ Wararka_Itoobiya
#Itoobiya