Adeegga samafalka ayaa kor u qaadaya dhaqanka istaageeridda iyo isu soo dhawaanshaha - Alemu Sime (Dr.)

Jigjiga; Naaf/Nahase 4/2017 (ENA): Adeegga samafalka waxa uu kor u qaadayaa is garabsiga iyo isu soo dhawaanshaha, ayuu yiri Wasiirka Gaadiidka iyo Saadka Alemu Sime (Dr.).

Wasaaradda Gaadiidka iyo Saadka iyo Hay’adaha hoos taga ayaa howlo shaqo oo iskaa wax u qabso ah ka fuliyay gobolka Faafan ee dowlad deegaanka Soomaalida.

Wasiir Alemu Sime (Dr.) oo ka qeyb galay barnaamijka ayaa sheegay in iyadoo barnaamijkan la fulinayo ay wasaaradda iyo hay’adaha hoos taga ay si wada jir ah howlo dhir beeris ah uga fuliyeen gobolka Fafen ee deegaanka Soomaalida, iyadoo halku dhiggiisu yahay dhir beeris dib u kabsasho ah.

Ka sokoow dib u dayactirka lagu sameeyay guryaha dadka danyarta ah ayaa sidoo kale waxa ay agab waxbarasho gaarsiiyeen arday danyar ah iyo howlo kale oo samafal ah.

 

Ku xigeenka Madaxa Xafiiska gaadiidka ee dawlada deegaanka soomaalida mudane Xasan Sheekh Yuusuf ayaa uga mahad celiyay wasaarada iyo hay’adaha hoos taga dhir beerista raadka cagaaran iyo shaqooyinka kale oo ay ka mid tahay dayactirka guryaha dadka danyarta ah iyo deeqda agabka waxbarashada ee ardayda loo qaybiyay.

 

Mudane Ashenafi Geami oo ka mid ahaa madaxdii ka qeyb gashay barnaamijka ayaa sheegay in adeega iskaa wax u qabso ee xagaaga uu yahay mid muujinaya in itoobiyaanimadu ay la macno tahay is taageerid.

Ka qeyb galayaasha kale oo ay kamid tahay Bezawit Teshome, ayaa sheegtay in adeegga iskaa wax u qabso uu yahay fal wanaagsan oo aan si dhow ula socon karno, raadkeenana uga tagi karno, kana baxsan waxyaabaha ay dowladdu qabato.

 

Barnaamijkan ayaa waxaa ka soo qeyb galay Wasiir Alemu Sime (Dr.), Wasiiru Dowlayaal, Agaasimayaal guud iyo shaqaalaha hay’adaha ay khuseyso, sidoo kale waxaa ka soo qeyb galay mas’uuliyiinta ugu sareysa dowlad deegaanka Soomaalida, hoggaamiyeyaasha gobolka Faafan iyo shacabka gobolka.

#Wakaalladda_ Wararka_Itoobiya 
#Itoobiya