Nabadd waarta waxay suurta-galaysaa oo keliya marka dhammaan daneeyayaasha, oo ay ku jiraan hay’adaha amniga, ay si wadajir ah uga shaqeeyaan— Maxamed Idriis

Addis Ababa, Naaf/Nahaase 1/2017 (ENA): Wasaaradda Nabadda ayaa magaalada Adhaama ka waddo madal wadahadal ah oo ay ka qaybgalayaan mas’uuliyiin sar-sare oo dowladda ka tirsan iyo daneeyayaal kala duwan, si loo hubiyo in dhibaatooyinka ka dhaca meelo kala duwan aanay isu beddelin colaado.

Mudane Maxamed Idriis ayaa madasha ka sheegay in horumarka dhabta ah ee Itoobiya uu ku xidhan yahay xoojinta nabadda, isla markaana uu yahay mas’uuliyad saaran dhammaan muwaadiniinta ilaalinta nabadda jirta.

 

Wuxuu xusay in dadaallo lagu gaadhayo nabad waarta ay socdaan, isagoo carrabka ku adkeeyay in tani ay ku iman karto oo keliya marka hay’adaha amniga iyo daneeyayaasha kale ay si mideysan uga shaqeeyaan.

Marka nabad waarta la xaqiijiyo, ayuu sheegay, waxaa sii xoogaysan doona horumarka la bilaabay, isagoo ku boorriyay hoggaaminta inay yeeshaan aragti cad iyo diyaar-garow ku saabsan dhismaha nabadda, xallinta khilaafaadka, iyo horumarinta dalka.

#Itoobiya  #Wakaaladda_Wararka_Itoobiya