Todoba arrimood oo Golaha Xisbiga Barwaaqo uu go’aansaday inuu si go’aan adag ugu fuliyo sidii uu u fashilin lahaa isku dayga ugu dambeeya ee cadowga taariikhiga ah:

👉In la tijaabiyo dhammaan fursadaha nabadeed ee suurtogalka ah si loo soo afjaro colaadda, lana sameeyo wax kasta oo lagama maarmaan ah si loola shaqeeyo dhinacyada go’aansada inay nabad ku xalliyaan khilaafka.

👉In si adag sharci loo marsiiyo xoogagga diida inay aqbalaan xal nabadeed, balse ku hawlan inay dhibaato ku abuuraan shacabka iyo hantida dalka.

👉In lagu soo celiyo heer kasta cabashooyinka shacabka ee ku saabsan maamulka wanaagsan, caddaaladda iyo dhaqaalaha, iyadoo la adeegsanayo awoodda iyo kartida Itoobiya.

👉In shacabka si joogto ah loogu gudbiyo macluumaad sax ah oo ku habboon waqtigiisa, lana fashiliyo macluumaadka been abuurka ah.

👉In lala xisaabtamo hoggaaminta iyo shaqaalaha dawladda ee ku lug yeesha anshax-xumo, musuqmaasuq ama maamul xumo, iyadoo lagu kala saarayo hay’adaha ay ka tirsan yihiin.

👉In la sii xoojiyo guulaha laga gaaray mashaariicda horumarineed ee ka socda beeraha, wax-soo-saarka warshadaha, dalxiiska, macdanta, iyo tiknoolajiyada macluumaadka; lana dhammeystiro hindisayaasha horey loo bilaabay si loo gaaro natiijooyin muuqda; lana xaqiijiyo isbeddelka magaalooyinka iyo miyiga iyadoo la hubinayo ka qaybgalka shacabka.

👉In la difaaco danaha qaranka ee Itoobiya dhinaca diblomaasiyadda, iyadoo la adeegsanayo dhammaan hababka suurtogalka ah.

#Itoobiya 
#Wakaaladda_Wararka_Itoobiya