War-saxaafadeed Golaha Xisbiga Barwaaqo oo ka hadlay guulaha dalka iyo caqabadaha taagan

Addis Ababa, Naaf/Nahaase 3/2017 (ENA): Golaha Xisbiga Barwaaqo ayaa sheegay in inta u dhaxeysay 30ka Afagaal/Hamle ilaa 2da Naaf/Nehase 2017 T.I. uu yeeshay shir joogto ah oo looga hadlay arrimaha gudaha, dibadda, siyaasadda iyo dhaqaalaha dalka.

Goluhu wuxuu xusay in Itoobiya la gaaray guulo la taaban karo toddobadii sano ee la soo dhaafay, gaar ahaan dhinacyada siyaasadda, dhaqaalaha iyo difaaca. Waxaa si gaar ah loo tilmaamay horumarinta mashruuca Webiga Abay, ololaha xaqa marin-biyoodka badda, iyo xoojinta awoodda istaraatiijiga ah ee dalka.

Waxaa lagu ammaanay guushii laga gaaray colaaddii waqooyiga iyo heshiiskii nabadda ee Pretoria, balse goluhu wuxuu ka digay in cadawga gudaha iyo dibadda ay weli isku dayayaan wiiqidda midnimada shacabka iyo awoodda dowladda, iyagoo adeegsanaya kooxo hubeysan iyo olole been abuur ah oo baraha bulshada ah.

 

Goluhu wuxuu ku adkeystay in isbeddellada gudaha ay meesha ka saareen nuglaanshihii hore isla markaana ay xoojiyeen awoodda qaranka, iyadoo la yaraystay saameynta kooxaha gudaha ee kaashanaya cadawga taariikhiga ah.

War-saxaafadeedka ayaa lagu soo gabagabeeyay in Itoobiya ay sii wadi doonto horumarinta awoodda qaranka iyadoo ka faa’iideysaneysa fursadaha nabadeed ee jira, isla markaana guulaha la gaaray ay markhaati ka yihiin indhaha shacabka gudaha iyo bulshada caalamka, inkastoo ay dhib ku yihiin cadawga taariikhiga ah iyo kuwa taageera.

#Itoobiya 
#Wakaaladda_Wararka_Itoobiya