Itoobiya ayaa Madasha Maxkamadaha Dustuuriga ee Afrika la wadaagi doonta khibradeeda qoto-dheer ee Maxkamadaha Dastuuriga ah.

Addis Ababa; Naaf/Nahase 2/2017 (ENA): Xafiiska Maxkamadda Dastuuriga ayaa shaaca ka qaaday in Itoobiya ay la wadaagi doonto hab dhaqankeeda ugu wanagsan ee dhinacyada ka qayb galayaasha Madasha Maxkamadaha Dastuuriga ah ee Afrika.

Waxaa kaloo lagu dhawaaqay in Itoobiya ay bisha Gudbi/Hidhar martigelin doonto madasha Maxkamadaha Dastuuriga ah ee Afrika iyo Hay’adaha la midka ah.

Agaasimaha Guud ee Xafiiska Maxkamada Dastuuriga Desaleny Woyesa ayaa ENA u sheegay in Itoobiya ay tahay dal xubin ka ah Caalamka iyo Maxkamadaha Dastuuriga ah ee Afrika iyo Hay’ado la mid ah.

Waxa uu xusay in Itoobiya ay la wadaagtay wax qabadkeedii ugu wacnaa oo ay dalal kala duwan uga baratay shirarkii ay ka qayb gashay.

Waxaa uu xusay in shirka Maxkamadaha Dastuuriga ah ee Afrika uu sanadkan ka furmi doono magaalada Addis Ababa, wuxuuna sheegay in Itoobiya ay ku soo bandhigi doonto waxyaabihii ay soo martay.

Shirka ayaa waxaa ka qeyb galaya garsoorayaal ay ku jiraan madaxweynayaasha maxkamadaha dastuuriga ah ee Afrika iyo ka qeyb galayaasha wadamada kale.

Madaxweynayaasha iyo garsoorayaasha maxkamadaha dastuuriga ah ee Ruushka, Iran, Turkiga iyo Brasiil, wadamada goobjoogayaasha ah ee maxkamadaha dastuuriga ah ee Afrika, ayaa sidoo kale goobjoog ka noqon doona, ayuu raaciyay.

Agaasimaha Guud waxa kale oo uu sheegay inay diyaar garow ugu jiraan sidii loo qaban lahaa shirkan oo socon doona 18-ka ilaa 21-ka bisha Gudbi/Hidhar 2018-ka. 

#Wakaalladda_ Wararka_Itoobiya
 #Itoobiya